ٹوتھ پیسٹ کو دانتوں کی صفائی کے لئے استعمال کیا جا تا ہے لیکن کیا آپ یہ جانتے ہیں کہ ٹوتھ پیسٹ چہرے کے دانوں سے نجات بھی دلا سکتا ہے؟

جی ہاں! ٹوتھ پیسٹ بہت کچھ ایسا بھی کرسکتا ہے جس کا کبھی آپ نے تصوربھی نہیں کیا ہوگا۔

چلئے آج ہم آپ کو ٹوتھ پیسٹ کے حیرت انگیز کارناموں سے روشناس کراتے ہیں۔

دانوں اور مہاسوں سے نجات

ٹوتھ پیسٹ کا استعمال چہرے پر اُبھرآنے والے دانوں اور مہاسوں سے جلد نجات دلانے کا موثر طریقہ ہے۔

تھوڑی سی مقدارمیں ٹوتھ پیسٹ لے کر اسے دانوں اور مہاسوں پر لگائیں پھر چہرہ دھولیں ۔ چند ہی مرتبہ کے عمل سے حیرت انگیز نتائج برآمد ہوں گے ۔

ناخنوں کی حفاظت

ٹوتھ پیسٹ ناخنوں کو صحت مند بناتا ہے اپنے ناخنوں کو روزانہ ٹوتھ پیسٹ سے رگڑ کر دھولیں اس سے ناخنوں کی چمک اور صحت برقرار رہتی ہے

یہ بھی پڑھیں: ان 10 عادات سے پرہیز کریں جو چہرے پر کئی برس کا اضافہ کر دیتی ہیں 

ہاتھوں کی بدبو سے نجات

پیاز یا لہسن کو کاٹنے کے بعد ہاتھ دھونے کے بعد بھی بدبو برقرار رہتی ہے اور صابن اس سے نجات دلانے میں ناکام رہتے ہیں ۔

اگر تھوڑی سی مقدار میں ٹوتھ پیسٹ کو ہتھیلی پر مل لیں تو بدبو دور ہو جاتی ہے۔