اکثر دیکھا گیا ہے کہ سردی کے موسم میں بڑی عمر کے افراد میں فالج کا شکار ہونے کی شرح بہت بڑھ جاتی ہے۔

کینیڈا میں ہونے والی ایک تحقیق کے مطابق اگر آپ دن بھر زیادہ وقت کمپیوٹر استعمال کرتے اور ٹی وی دیکھتے ہوئے گزارتے ہیں تو یہ عادت فالج جیسے جان لیوا مرض کا خطرہ بڑھا سکتی ہے۔

یہاں یہ بات بھی قابل ذکر ہے کہ سردی میں دورانِ خون سست روی کا شکار ہوجاتا ہے اس وجہ سے فالج کا خطرہ بڑھ جاتا ہے۔

ماہرین کے مطابق نشہ کرنے والے اور ایسے افراد جن کو کولیسٹرول اور بلڈ پریشر کا مرض ہو وہ فالج کا شکار زیادہ ہوتے ہیں اس کے علاوہ 50 برس سے زائد عمر والے بزرگ بھی فالج کے نشانے پر رہتے ہیں۔

فالج سے بچاؤ کیلئے کیا کریں؟

نمک کا استعمال نہ کریں

جدید تحقیق کے مطابق نمک کا استعمال فالج کو دعوت دینے کے برابر ہے اور یہ چہرے کو مفلوج کرسکتا ہے کیوں کہ نمک کے استعمال سے بلڈ پریشر اچانک بڑھتا ہے جس کی وجہ سے جسم کے پٹھے کسی بھی جگہ سے کام کرنا بند کرسکتے ہیں۔

سردی میں فالج کے اثر سے بچنے کیلئے یہ طریقے اپنائیں

ماہرین کے مطابق سردیوں میں سر اور کان ایسے حصے ہیں جنھیں ڈھانپ کر رکھنا ضروری ہے تاکہ کان سے ہوا اندر نہ جائے۔

اس طرح چہرے کے فالج کا 80 فیصد خطرہ کم کیا جاسکتا ہے۔

ٹھنڈی ہوا اعصاب کو بہت متاثر کرتی ہے اس کے علاوہ بھی مکمل جسم کو ڈھانپ کر رکھیں، گرم غذائیں کھائیں، گرم پانی پئیں، دن کا کچھ وقت دھوپ میں گزاریں اور نیم گرم تیل سے جسم کی مالش کریں۔