دس سیکنڈ میں بچے کے رونے کی وجہ بتانے والا آلہ تیار کر لیا گیا ہے۔

حال ہی میں تائیوان کی ایک کمپنی نے چھوٹا سا آلہ بنایا ہے جو رونے کی آواز سن کر بہت درستگی سے اس کی وجہ بتاسکتا ہے۔

عموماً ایسا ہوتا ہے کہ نومولود بچے کے رونے کی وجہ سمجھ میں نہیں آرہی ہوتی کہ آخر وہ کیوں رو رہا ہے لیکن اب یہ مشکل بھی آسان ہو گئی ہے۔

کیونکہ نیا تیار کیا گیا آلہ دس سیکنڈ میں بتاتا ہے کہ آیا بچہ بھوکا ہے، اس کا ڈائپر بدلنا ضروری ہے ، یہ سونا چاہتا ہے یا پھر آغوش چاہتا ہے۔

یہ بھی پڑھیں؛ گوریلا ماں کا اپنے نومولود بچے سے بے مثال اظہا رِمحبت

 مصنوعی ذہانت پر مبنی ’کیوبیئر‘ نامی آلے کی پشت پر مصنوعی ذہانت اور ہزاروں بچوں کی مختلف کیفیات میں رونے کی آوازیں شامل ہیں جن کی بدولت اس کا سافٹ ویئر بتاتا ہے کہ بچے کا ڈائپر گیلا ہے یا پھر اسے کوئی اور تکلیف ہے جو رونے کی وجہ بن رہی ہے۔

اس کے علاوہ اس آلے کی ایک اور خاص بات بھی ہے کہ اس میں بچے کو پرسکون رکھنے والا میوزک بھی ہے جسے ہم برقی لوری کہہ سکتے ہیں۔ بچے کی تھکاوٹ کو دیکھتے ہوئے یہ روشنی کو کم یا زیادہ بھی کرسکتا ہے۔