جگر انسانی جسم کا اہم ترین عضو ہے جو فلٹر کا اہم کام انجام دیتا ہے۔

صرف یہی نہیں یہ جسم کی مجموعی صحت کو برقرار رکھنے کے لیے 500 سے زیادہ افعال انجام دیتا ہے، یہ آپ کے مدافعتی نظام، میٹابولزم، نظام ہاضمہ اور جسم کے فاسد مادوں کے اخراج میں اہم کردار ادا کرتا ہے۔

لیکن کیا آپ جانتے ہیں کہ وہ کونسی غذائیں ہیں جو آپ کو جگر کے امراض میں مبتلا کرسکتی ہیں؟ اگر نہیں تو آئیے ہم آپکو بتاتے ہیں۔

ایک حالیہ تحقیق کے مطابق فاسٹ فوڈ کھانے کی عادت جگر پر چربی چڑھنے کے مرض کا خطرہ بڑھاتی ہے۔

یہ بھی پڑھیں: لہسن کھانا جگر کیلئے کیسا ہے؟ ماہرین نے بتادیا

جی ہاں، وہی فاسٹ فوڈ جو ہم بہت شوق سے کھاتے ہیں۔

تحقیق میں بتایا گیا کہ جو افراد دن بھر کی 20 فیصد سے زیادہ کیلوریز فاسٹ فوڈ سے حاصل کرتے ہیں ان میں جگر کے اس مرض کا خطرہ بہت زیادہ ہوتا ہے۔

یہ بھی پڑھیں: انسانی جگر کا وہ راز جو آپ کو حیران کر دے گا

محققین نے بتایا کہ صحت مند جگر میں چربی کی مقدار بہت کم ہوتی ہے اور اس میں معمولی اضافے کو بھی بیماری تصور کیا جاتا ہے۔

محققین کا کہنا ہے کہ لوگوں کا خیال ہوتا ہے کہ دن میں ایک بار فاسٹ فوڈ کھانے سے کوئی نقصان نہیں ہوتا مگر اس سے بھی جگر کو نقصان پہنچ سکتا ہے۔