آنکھیں شخصیت کا آئینہ ہوتی ہیں جو نہ صرف چہرے کے خدوخال کو نمایاں کرتی ہیں بلکہ کئی رازوں پر سے پردہ بھی اٹھاتی ہیں تاہم نیند کی کمی، اسٹریس، غیرمتوازن غذا اور جسمانی سرگرمی نہ ہونے کے سبب آنکھوں کے گرد جھریاں اور سیاہ حلقے نمودار ہونے لگتے ہیں۔

آنکھوں کے گرد جھریاں پڑنے سے آپ اپنی عمر سے کئی برس بڑے دکھائی دیتے ہیں، ویسے توان مسائل کے حل کے لیے بازار میں کئی طرح کی مصنوعات دستیاب ہیں لیکن پھر بھی خواتین کی بڑی تعداد قدرتی اجزاء سے تیار مصنوعات کوترجیح دیتی ہیں جبکہ ماہرین بھی ان ہی کا مشورہ دیتے ہیں۔

یہاں پر گھرپر موجود قدرتی اجزاء سے ایک ایسا سیرم تیار کرنے کا طریقہ پیش کیا جارہا ہے جو آنکھوں کے گرد جھریوں اور سیاہ حلقوں کے ساتھ تمام ہی مسائل کو حل کرنے کی صلاحیت رکھتا ہے۔ یہ کس طرح تیار کیا جاتا ہے جانتے ہیں۔

اجزاء

اس سیرم کو بنانے کے لیے جو اجزاء درکار ہیں ان میں دو چائے کے چمچ روزآئل، ایک چائے کا چمچ گلیسرین، ایک چائے کا چمچ ایلوویراجیل اور آدھا چائے کا چمچ وٹامن ای آئل شامل ہیں۔

ترکیب

ان تمام اجزاء ایک ایک پیالی میں ڈال کر اچھی طرح مکس کرکے کسی بوتل میں محفوظ کر لیں۔

استعمال کا طریقہ

اس سیرم کو کسی بھی وقت لگایا تاہم بہتر نتائج کے لیے اسے رات میں لگائیں، سب سے پہلے چہرے کو اچھی طرح دھوکر اس کا صرف ایک قطرہ لے کر آنکھوں کے گرد انگلیوں کے پروں کی مدد سے ہلکے ہلکے مساج کریں تاکہ سیرم جلد میں مکمل جذب ہوجائے،  پھر اس کے بعد کوئی بھی نائٹ کریم کا استعمال کریں۔