اسپغول کے فوائد سے کون واقف نہیں یہ ایک زود ہضم فائبر ہے جو ہاضمہ کے کئی مسائل کو حل کرنے کی صلاحیت رکھتا ہے اور بہتر نظام انہضام مجموعی صحت کا ضامن ہے تاہم یہ جلد کے مسائل کے لیے بھی بہترین تصور کیا جاتا ہے۔

اسپغول کوانگریزی میں سیلیئم ہسک کہاجاتا ہے اپنے صحت بخش اجزاء کی بدولت یہ کئی امراض میں بطور دوا استعمال کیا جاتا ہے۔ تاہم یہاں پر اسپغول کے جلد کے لیے فوائد پیش کئے جارہے ہیں جنہیں جان کر آپ حیران رہ جائیں گے۔

 اگرآپ جھریوں سے پاک، ہموار، صاف اور ایک ٹون میں جلد کی رنگت خواہشمند ہیں تو اسپغول ایک بہترین انتخاب ہے۔

 اسپغول میں موجود معدنیات، وٹامنز اور اینٹی آکسیڈنٹس آپ کی صحت کو بہتربنانے میں اہم کردارادا کرتے ہیں، یہ جسم سے زہریلے مادوں کو خارج کرنے، قبض کو دور کرنے، کولیسٹرول کو توازن میں رکھنے، اسہال میں آرام، موٹاپا سے نجات اور آنتوں کے سنڈروم سے بچانے میں مددفراہم کرتے ہیں۔

جلد کے لیے اسپغول کے فوائد

اسپغول ایک غذائی ریشہ ہے جو جلد کے مہاسوں اور ایکنی کو کم کرتا ہے۔ چمکدار جلد کے لیے اسبغول کے بے شمار فوائد ہیں۔

ایکنی یا پمپلز کے لیے مفید

اگر آپ مہاسوں سے پریشان رہتے ہیں تو اس کے اثرات کو کم کرنے کے لیے اسپغول کا استعمال کریں یہ مہاسوں سے ہونے والی سوزش کو دور کر کے جلد کو ہموار بنانے میں مددفراہم کرے گا۔

جلد پر جمی چکنائی سے نجات

اسپغول کو چہرے پر لگانے سے جلد پر جمی چکنائی کو دور کرنے میں مدد ملتی ہے۔ اگر آپ آلودگی والے علاقوں میں کام کرتے ہیں تو آپ کی جلد پر دھول اور گندگی کے جمع ہونے کا سب سے زیادہ خطرہ ہے۔ ایک بار جب آپ اسپغول کو چہرے پر لگاتے ہیں تو یہ جلد کی گہری تہوں سے اضافی تیل، گندگی اور دھول کو صاف کرنے میں مدد فراہم کرتا ہے۔  یہ جیل کی صورت میں مسامات کی صفائی میں بھی معان ثابت ہوتا ہے۔ بہتر نتائج کے لیے اسے روزانہ استعمال کریں۔

سوزش کو کم کریں

اسپغول سوجن اور سوزش کو کم کرنے کے لیے بھی مشہور ہے۔ اگرآپ کسی سوزش یا دیگر دردوں میں مبتلا ہیں تو اسپغول کو لگانے سے آپ کو فوری آرام ملتا ہے۔

صفائی میں معاون

  جب اسپغول کو ایلو ویرا، شہد یا بادام کے تیل میں ملایا جاتا ہے، تو یہ جلد پر بہترین صفائی کا کام کرتا ہے، اسے جیل کی صورت میں جلد پر لگاکر مساج کرنے سے جلد کی نشوونما میں مدد ملتی ہے ساتھ یہ جلد کی نمی کو برقرار رکھتا ہے۔

جلد کو روشن کرتا ہے

 دن میں کم از کم ایک بار اس  کا استعمال کرتے ہوئے ایکسفولیئٹ کریں۔ کیونکہ اسپغول ایک بہترین ایکسفولییٹر کے طور پر کام کرتا ہے اور جلد کو چمکانے کی حیرت انگیزصلاحیت رکھتا ہے۔

قدرتی موئسچرائزر

یہ جلد کو گہرائی سے صاف کرنے کے ساتھ قدرتی موئسچرائزر کے طور پر کام کرتا ہے۔ یہاں تک کہ یہ مسامات میں جمع ٹاکسن، گندگی اور دھول کو صاف کرکے قدرتی نکھار فراہم کرتا ہے۔ یہی وجہ اس میں موجود بہترین خواص کی بدولت  ہے اسے کثرت سے بیوٹی پروڈکٹس میں استعمال کیا جاتا

استعمال کا طریقہ

ایک کپ پانی میں ایک چمچ اسپغول شامل کرکے آدھا چمچ شہد ملائیں جب گارھا پیسٹ سا بن جائے تو اسے چہرے پر اچھی لگا کر ہلکے ہاتھ سے مساج کریں، اور تیس منٹ کے بعد چہرہ دھولیں اسے روزانہ ایک بار ضرور استعمال کریں چند ہی ہفتوں میں جلد چمکنے لگے گی۔