آج ہم آپکو بتائیں گے کہ کونسی غذا گردوں کے امراض میں مبتلا افراد کے لیے فائدہ مند قرار دی گئی ہے۔

گردے جسم کے اہم ترین اعضاء ہیں جو فاسد مادوں کو پیشاب کی صورت میں جسم سے خارج کرتے ہیں، اس طرح یہ خون کے لئے کسی فلٹر کی طرح کا کام سر انجام دیتے ہیں۔

پانی کی مناسب مقدار اور متوازن غذا گردوں کے افعال کی بہتر انداز میں انجام دہی کے لئے بہت ضروری ہے۔

ایک حالیہ تحقیق کے مطابق گردوں کی بیماری میں مبتلا افراد کی جانب سے “مچھلی” کھانا انہیں فائدہ پہنچا سکتی ہے۔

یہ بھی پڑھیں: گردوں کے امراض سے بچنے کے لئے ان غذاؤں کا استعمال کریں

ماہرین کا کہنا ہے کہ مجموعی طور پر سمندری مخلوق یعنی مچھلیوں کی مختلف قسموں پر مبنی غذائیں کھانے والے افراد میں گردوں کی بیماریاں کم ہوتی ہیں جبکہ مچھلیاں کھانے سے گردوں کے پرانے یا شدید مرض میں مبتلا افراد کو فائدہ ملتا ہے۔

ماہرین نے بتایا کہ مچھلیاں کھانے سے گردوں کے امراض پیدا ہونے سے بھی محفوظ رہا جا سکتا ہے۔

ماہرین نے تجویز دی کہ گردوں کی صحت کے لیے لوگوں کو مختلف اقسام کی مچھلیاں کھانی چاہئیں۔

یہ بھی پڑھیں: گردوں کے ناکارہ ہونے کی وہ 5علامات جنہیں جان کر آپ بڑے نقصان سے بچ سکتے ہیں