مسکراہٹ کتنی ہی دلفریب ہو اگر ہونٹ خوبصورت نہ ہوتو یہ چہرے کے حسن کو ماند کردیتے ہیں۔  ہونٹ کی جلد بہت حساس ہوتی ہے متوازن غذا کا نہ ہونا، پانی کی کمی، ذہنی تناؤ اور آلودگی کا سب سے زیادہ اثر ہونٹ کی جلد پر ہوتا ہے۔

اس طرح یہ اپنی دلکشی کھونے لگتے ہیں ان کے حسن کو برقرار رکھنے کے لئے جہاں ان عوامل کا خیال رکھنا لازم ہے وہی اس کی حفاظت کے لئے چند باتوں پرعمل کرنا بھی نہایت ضروری ہے اس طرح ہونٹ مزید حسین اور خوبصورت دکھائی دیں گے۔ یہاں چند ایسی ہی ٹپس دی جارہی ہیں جن استعمال سے آپ مطلوبہ نتائج حاصل کر لیں گے۔

دودھ اور ہلدی کا اسکرب

دودھ اور ہلدی کا اسکرب ہر قسم کے جلد کے لیے بہترین ایکسفولییٹرہے۔ تو، کیوں نہ اسے ہونٹوں پربھی آزمایا جائے؟ دودھ ہونٹوں کو نمی فراہم کرتا ہے جبکہ ہلدی کی شفا بخش خصوصیات ہونٹوں کی خشکی اور سیاہ دھبوں کو دور کرنے میں مدد کرتی ہیں۔ ایک چائے کا چمچ ٹھنڈا دودھ اور آدھا چائے کا چمچ ہلدی کا پاؤڈر ملا کر ہونٹوں پر پانچ منٹ تک مساج کریں۔

گھی

قدرتی طور پر ہونٹوں کو گلابی اور نرم بنانے کا سب سے آسان طریقہ تھوڑا سا گھی لگانا ہے۔ یہ ہونٹ پر قدرتی مؤسچرائزرکا کام کرتا ہے اور ان کی قدرتی رنگت کو برقرار رکھتا ہے۔

 چقندر

ہونٹوں کو گلابی بنانے کے لیے چقندر کا جوس بہترین حل ہے کیونکہ اسے لگانے پر آپ کو فوری رنگت مل جاتی ہے۔ یہ طویل عرصے میں آپ کے ہونٹوں کو قدرتی طور پر گلابی بھی بناتا ہے کیونکہ چقندر میں بلیچنگ اور ایکسفولیٹنگ خصوصیات پائی جاتی ہیں۔

 شہد اور لیموں کا ماسک

شہد اورلیموں کے رس کا یہ بہترین امتزاج ہونٹوں کو نرم کرنے اورگلابی  رنگت دینے کے لیے بھی کافی مؤثر ہے۔ شہد ایک موئسچرائزر کا کام کرتا ہے جبکہ لیموں کا بلیچنگ ایجنٹ رنگت کو صاف کرتا ہے۔ ایک چائے کا چمچ شہد میں آدھا چائے کا چمچ لیموں کا رس ملا کر 15 منٹ تک ہونٹوں پر لگائیں اور پھر دھو لیں۔

 اسٹرابیری

کیا آپ نے کبھی اسٹرابیری کے رنگ کی طرح اپنے ہونٹوں کو رنگت دینے کے بارے میں  سوچا ہے تو اب اسے حاصل بھی کر لیں یہ موسم اسٹرابیری کا ہے اور اب یہ مزیدار پھل ہر جگہ موجود ہے۔ اینٹی آکسیڈنٹس اور وٹامن سی سے بھرپور، یہ آپ کے ہونٹوں کو چمکداربنانے میں بے حد مفید ہے ایک اسٹرابیری کو پیس کر اس میں ایک چائے کا چمچ شہد اور زیتون کا تیل ملا کر اچھی طرح مکس کریں، اب اسے 10 منٹ تک ہونٹوں پر لگائیں اور پھر دھولیں۔

لیموں اور بادام کا تیل

بادام کا تیل ایک قدرتی موئسچرائزر ہے جو آپ کے ہونٹوں کی خشکی اور کھردری ساخت کو بہتر بناتا ہے۔ اسے لیموں کے ساتھ ملا کر داغوں کو ہلکا کرنے سے آپ کے ہونٹوں کو قدرتی طور پر گلابی بنانے میں مدد ملے گی۔ ایک چائے کا چمچ بادام کے تیل میں چند قطرے لیموں کا رس ملا کر ہونٹوں پر مساج کریں۔ بہترین نتائج کے لیے اسے 30 منٹ تک لگا رہنے دیں پھردھو لیں، کوشش کریں کہ اسے ہفتے میں تین باراستعمال کریں ۔