موسم سرما کے ساتھ کئی موسمی بیماریا بھی چلی آتی ہیں ان ہی میں نزلہ وزکام اور فلوبھی شامل ہیں یوں تو ان بیماریوں کے لیے ادویات کے ساتھ گھریلوعلاج بھی تجویز کے جاتے ہیں جو اس ضمن میں کافی مؤثر ثابت ہوتے ہیں تاہم اس ضمن میں  لہسن کا استعمال فائدے کی جگہ نقصان پہنچاسکتا ہے۔

 فی زمانہ فلو اورسائنوسس کے علاج کے لیے ایک ایسا عجیب طریقہ پیش کیاگیا ہے جس کے لیے ماہرین کا کہنا ہے کہ یہ فائدے سے زیادہ نقصان کا باعث بن سکتا ہے۔

 یہ علاج ایک ٹک ٹاک ویڈیو پر شیئر کیاگیا ہے جسے اب تک 115000 بار دیکھا جاچکا ہے۔

صحت کے حوالے سے اس عجیب رجحان نے کافی منفی اثرات مرتب کئے ہیں، تاہم صحت اور بہبود کی ایپ، ایورگرین لائف کے ماہرین نے صحت کے حوالے سے انتہائی فضول اور احمقانہ مشورے کے بارے عوام کی درست رہنمائی کے لیے ٹک ٹاک پر صحت کی اس مقبول ہوتی ویڈیوز پر ایک نظر ڈالی ہے۔

اس ویڈو میں دعویٰ کیا جارہا ہے موسم سرما کے دوران سائنوسس اور فلو کے نتیجے میں ناک میں جمع ہونے والی رطوبت کےخراج کے لیے ناک میں چھلے ہوئے لہسن کو لگنا مفید ثابت ہوتا ہے اس طرح یہ مائع بن کر بہنے لگتی ہے اس طرح ناک صاف ہوجاتی ہے۔

اگرچہ یہ کوئی نیا آئیڈیا نہیں ہے، لیکن اس رجحان نے نئے سال میں دوبارہ مقبولیت حاصل کی ہے۔

اس طریقہ علاج میں لوگ لہسن کے جوے کو چھیلنے کے بعد ہر نتھنے میں 15 سے 30 منٹ تک ہلاتے ہیں تاکہ ان کے سائنوسس کو بہتر کیا جاسکے۔

ایک بار جب یہ عمل مکمل ہوجاتا ہے تو لہسن کے جوے کو ہٹا دیا جاتا ہے اس طرح اضافی بلغم ناک سے باہر نکلتا ہے اور ناک کے راستے کو صاف کرتا ہے۔

اس رجحان پر تبصرہ کرتے ہوئے طبی ماہر ڈاکٹر برائن فشر کا کہنا ہے کہ اگرچہ لہسن میں بیکٹیریا اور وائرس کے خلاف مزاحمت کرنے کی صلاحیت موجود ہے تاہم لہسن کو اپنے نتھنوں میں لے جانا ناک اور ہڈیوں کو نقصان پہنچا سکتا ہے ساتھ ہی لہسن میں موجود کیمیکل جلن کا سبب بن سکتے ہیں۔

تاہم ان کا مزید یہ بھی کہنا ہے کہ لہسن کو اس طرح استعمال کرنے کے بجائے اسے غذا میں شامل رکھنا زیادہ فائدہ مند ثابت ہوگا۔ جبکہ انھوں نے اس ویڈیو کو دیکھ کر اس پرعمل کرنے سے منع کیا ہے۔