دنیا بھر میں لوگوں کی بڑی تعداد اسکرین کے سامنے بیٹھ کر وقت گزارتی ہیں جو ان کی صحت بری طرح کو متاثر کرنے کے ساتھ آنکھوں کے مسائل کو بھی جنم دیتی ہے اسی میں بینائی کی کمزوری بھی شامل ہے۔

مسلسل اسکرین کو دیکھنا چاہے وہ ملازمت کے حوالے سے کمپیوٹر یا لیپ ٹاپ پر کام کرنا ہو یا موبائل پر کسی دوست کے ساتھ میسج پر بات چیت کرنا بینائی کی کمزوری کا سبب بنتا ہے تاہم کچھ ورزشیں اورغذائی احتیاط مؤثر ثابت ہوتی ہیں، یہی وجہ ہے کہ یہاں پر ایسی ہی چند غذاؤں کا ذکر کیا جارہا ہے جو اس ضمن میں مفید ثابت ہوں گی۔

  گاجر

گاجر تمام سبزیوں میں سب سے صحت بخش سبزی تصور کی جاتی ہیں اور اپنے صحت بخش اجزاء کی بنا پر سپر فوڈ میں شامل ہیں گاجرکے فائدے ان گنت ہیں یہ ہر قسم کے اینٹی آکسیڈینٹ سے بھر پور ہو نے کی بنا پر ہمیں وٹامن کی وافر مقدار فراہم کرتی ہیں۔ اس میں وٹامن اے، اینٹی آکسیڈینٹ اور بیٹا کیروٹین کی کثیر مقدار موجود ہوتی ہے جو بینائی کو بہتر بنانے کے ساتھ قوت مدافعت کو بڑھانے اور جلد کو صحت مند رکھتی ہے۔

سبزپتوں والی سبزیاں

یہ کیلوریز میں کم لیکن غذائیت سے بھرپور ہوتی ہیں ان میں شامل لوٹین اور کیروٹینائڈ آنکھوں کی صحت اور بینائی کے لیے مفید تصور کیے جاتے ہیں۔

مچھلی

سی فوڈ جیسے مچھلیاں اومیگا تھری فیٹی ایسڈ سے بھرپور ہوتی ہیں یہ غذائی جز آنکھوں کی صحت کے لیے بہترین ہے کیونکہ یہ بینائی سے متعلق کئی امراض سے تحفظ فراہم کرتا ہے۔

انڈا

جب بھی آنکھوں کی صحت کے حوالے سے بات کی جاتی ہے تو انڈا ان غذاؤں میں سر فہرست دکھائی دیتا ہے اس کی وجہ یہ ہے کہ اس میں وٹامن سی، ای اور لوٹین پایا جاتا جو تناؤ کو کم اور اعصاب کو طاقت فراہم کرکے بیمائی کو بہتر بناتے ہیں۔

ترش پھل

ترش پھلوں میں لیموں، نارنگی، لائم اور ٹماٹر شامل ہیں یہ وٹامن سی سے بھرپور ہوتے ہیں جو آنکھوں کے افعال کو بہتر بناکر بینائی کے مسائل کو کم کرنے مدد فراہم کرتے ہیں ۔