تھائی رائیڈ کے مریض اکثر غذاؤں سے پرہیز کرتے ہیں تاکہ صحت مند رہ سکے تاہم رات میں بے وقت کی بھوک میں ایسا کیا کھائیں جواس مرض کو بڑھنے سے بچائے۔

ماہرین غذائیت اس ضمن میں کچھ مخصوص صحت سے بھرپورغذاؤں کا مشورہ دیتے ہیں جنہیں کھا کرنہ صرف تھائی رائیڈ کے مریض اپنی بھوک کو مٹا سکتے ہیں بلکہ کئی امراض سے محفوظ بھی رہ سکتے ہیں۔ یہاں پران ہی غذاؤں کا ذکر کیا جارہے۔

بھیگے ہوئے کاجو

ماہرین غذائیت کے مطابق جو لوگ تھائی رائیڈ کے مرض میں مبتلا ہیں وہ رات کو چار سے پانچ بھیگے ہوئے کاجو کھاسکتے ہیں۔ ان کا کہنا ہے کہ گری دار میوے میں سیلینیم نامی معدنیات موجود ہوتی ہے جو کہ جسم میں تھائیرائیڈ کی سطح کو منظم کرنے میں اہم کردار ادا کرتی ہے۔

 یہ تھائی رائیڈ ٹشوز کو آکسیڈیٹیو تناؤ سے تحفظ فراہم کرتی ہے۔ اور اس بات کو یقینی بناتی ہے کہ تھائی رائیڈ درست انداز میں اپنے افعال انجام دے رہا ہے۔

ناریل

اگر آپ تھائی رائیڈ کی صحت کو بہتر بنانا چاہتے ہیں ناریل کے کچھ ٹکڑوں کو رات میں بطور ناشتے کے شامل ضرور رکھیں،  ناریل نہ صرف ذائقہ دار ہوتا ہے بلکہ اس میں درمیانے درجے کے فیٹی ایسڈ ہوتے ہیں جو میٹابولزم اور توانائی کی سطح کو بڑھاتے ہیں۔ ناریل خون میں شکر کی سطح کو کنٹرول کرنے میں بھی مدد کرسکتا ہے، جس سے آپ بہتر محسوس کرتے ہیں۔

تخم بالنگا

 بھیگے ہوئے تخم بالنگا فائبر سے بھرپور ہوتے ہیں یہی وجہ ہے کہ غذائیت کے ماہرانہیں رات کھانے کا مشورہ دیتے ہیں۔ اس میں اومیگا 3 فیٹی ایسڈز کی زیادہ مقدار ہوتی ہے، جوتھائی رائیڈ کے غدود کی سوزش کو روکنے میں مدد فراہم کرتی ہے۔

بھنے ہوئے کدو کے بیج

اگر آپ اپنے تھائیرائیڈ کی صحت کو بہتر بنانا چاہتے ہیں تو اپنے بیڈ سائیڈ ٹیبل پر بھنے ہوئے کدو کے بیجوں کا ایک چھوٹا سا برتن ضرور رکھیں۔ ان بیجوں کا ایک چمچ روزانہ سونے کے وقت کھانے سے آپ کو زنک کی مقدار مل سکتی ہے، جو تھائی رائیڈ ہارمونز کی ترکیب کے لیے ضروری ہے۔ کدو کے بیجوں میں ٹرپٹوفن نامی امینو ایسڈ کے ساتھ دیگر معدنیات جیسے سیلینیم، کاپر اور زنک بھی شامل ہوتا ہے جوبہتر نیند کو فروغ دینے میں مدد کرتے ہیں۔