پھلوں اور سبزیوں کے رس جلد کو صحت مند رکھنے کا ایک تیز اور مؤثر طریقہ ہے یہ آپ کے جسمانی نظام کو بہتر بناکر اسے بھی صحت مند رکھتے ہیں یہاں پر چند صحت سے بھرپور جوس کے بارے میں بتایا جارہا ہے جو آپ کی جلد کو نئی تازگی فراہم کریں گے۔

گاجر اور چقندر کا رس

چقندرآئرن، زنک، فولک ایسڈ اور وٹامنز سی سے بھرپورایک ایسی صحت بخش سبزی ہے جو آپ کی مجموعی صحت کو بہتر بنانے میں اہم کردار ادا کرتی ہے، تاہم ساتھ ہی یہ خون کو صاف کر کے آپ کی جلد کی رنگت کو نکھارکر چہرے کے حسن کو بڑھانے میں اپنی مثال نہیں رکھتی۔ اس میں اینٹی آکسیڈنٹس کی کثیر مقدار پائی جاتی ہے جو بڑھاپے کے اثرات کو روکنے میں مددفراہم کرتی ہے۔

اسی طرح گاجر بھی تمام سبزیوں میں سب سے صحت بخش سبزی تصور کی جاتی ہیں اور اپنے صحت بخش اجزاء کی بنا پر سپر فوڈ میں شامل ہیں گاجرکے فائدے ان گنت ہیں یہ ہر قسم کے اینٹی آکسیڈینٹ سے بھر پور ہو نے کی بنا پر وٹامن کی وافر مقدار فراہم کرتی ہیں۔ اس میں موجود اجزاء جیسے وٹان اے  جلد کو ایکنی سے تحفظ فراہم کر کے اسے ایک ٹون میں لے آتے ہیں۔

جب ان دونوں کے رس کو ملاکراستعمال کیا جاتا ہے تو اس کی افادیت کئی گناہ بڑھ جاتی ہے جو آپ جلد کی صحت کو بڑھا کر اس کی قدرتی چمک بحال کرتی ہے۔

کھیرے کارس

کھیرا ایک ہائیڈریٹ رکھنے والی سبزی ہے جو جلد کی قدرتی نمی کو برقراررکھنے میں مددفراہم کرتی ہے جس کے نتیجے میں جلد مزید لچکدار اور چمکنے لگتی ہے تو بہتر نتائج کے لیے اس اہم سبزی کے رس کو مزید غذا میں شامل رکھیں۔

ٹماٹر کا رس

ٹماٹر کا رس آپ کے چہرے کے کھلے مسامات کو کم کرنے اور چکنائی کودور کو کرنے میں مددفراہم کرتا ہے، ٹماٹر کے رس کا ایک گلاس آپ کی جلد کی چمک کو بڑھانے کے لیے کا ایک بہترین انتخاب ہے۔

انار کا رس

انار کا رس خون کو صاف کر کے جلد کی چمک کو بڑھاتا ہے جبکہ اس میں اینٹی ایجنگ خواص بھی پائے جاتے ہیں جو نئے خلیے پیداوار کو بڑھا کر جلد کی خوبصورتی میں اضافہ کرتے ہیں۔

پالک کارس

پالک کے رس میں موجود آئرن اور وٹامن کے جلد کے تمام داغ دھبوں کو صاف کرنے کی صلاحیت رکھتے ہیں، ساتھ ہی اس میں وٹامن سی، ای اور میگنیز بھی موجود ہوتے ہیں جو جلد کو فری ریڈیکل سے تحفظ فراہم کرتے ہیں۔

ایلوریرا کا رس

ایلوویرا کا رس جلد اور بالوں کے تمام مسائل کے ساتھ صحت کو بہتربنانے میں اہم کردار ادا کرتا ہے۔ اس میں موجود وٹامنز اور منرلز جلد کی قدرتی چمک کو برقرار رکھنے مدد دیتے ہیں۔

سیب کا رس

سیب میں کولیجن پایا جاتا ہے جو جلد کو نرم وملائم رکھنے میں مدد دیتا ہے۔ ساتھ ہی اس میں موجود اینٹی آکسیڈینٹس وقت سے پہلے جھریوں کو نمودار ہونے سے روکتا ہے، اس طرح جلد جھریوں اور نقصاندہ اثرات سے بچی رہتی ہے۔