خشک میوہ جات کا شمار انتہائی صحت بخش غذاؤں میں ہوتا ہے ان میں ایسے غذائیت سے بھرپوراجزاء پائے جاتے ہیں جو آپ کی مجموعی صحت کو بہتر بنانے میں اہم کردارادا کرتے ہیں جبکہ ان ہی سے حاصل کیا جانے والا مکھن بھی بے حد صحت بخش ہوتا ہے۔

گریوں سے حاصل کیے جانے والے مکھن نہ صرف کھانے میں مزیدار ہوتے ہیں بلکہ یہ آپ کو کئی امراض سے بچاکر صحت بھی فراہم کرتے ہیں، یہاں ان ہی کے چند حیرت انگیز فوائد پیش کیے جارہے ہیں۔

صحت بخش چکنائی

گری دار میوے میں چکنائی، پروٹین اور فائبرکی کثیر مقدار پائی جاتی ہے۔ یہ کیلوریزمیں کم ہوتے ہیں اس لیے اسے غذا میں شامل رکھنے سے وزن کم کرنے میں مدد مل سکتی ہے۔

غذائیت سے بھرپور

گری دار میوے میں وٹامن ای اور بی 6، فولیٹ، نیاسین، میگنیشیم، زنک، کاپر اور پوٹاشیم جیسے دیگر غذائی اجزاء بھی کافی مقدار پائے جاتے ہیں۔ جبکہ ان میں منرلز جیسے سیلینیم اور مینگنیز، وٹامنز سی اور ای، نیز فلیوونائڈز، فینول، پولیفینول بھی موجود ہوتے ہیں۔

ان سے بنایا جانے والے مکھن میں بھی یہی تمام خواص پائے جاتے ہیں یہ اجزاء خلیات کی حفاظت میں مدد کے لیے ایک ٹیم کے طور پر کام کرتے ہیں۔ یہ دل کو صحت مند اور بڑی آنت کے کینسر سے بچانے میں بھی مدد کر سکتے ہیں۔

کولیسٹرول

بڑھا ہوا کولیسٹرول شریانوں کی سختی کا  باعث بن کر فالج اور دل کی بیماری کا سبب بن سکتا ہے۔ بادام، اخروٹ، اور دیگر درختوں کے گری دار میوے کولیسٹرول کو کم کرنے میں مددفراہم کرسکتے ہیں۔

ٹائپ ٹو ذیابیطس

یہ مکھن خون میں شوگر (گلوکوز) اور چکنائی کی زیادہ مقدار کو کنٹرول کرنے میں مدد کرتے ہیں، جو بیماری کا باعث بن سکتے ہیں۔ یہ خون کی نالیوں کی پرت کو بھی لچکدار اور صحت مند رکھ سکتے ہیں، جو ذیابیطس سے منسلک دل کے مسائل کو روکتا ہے۔

میگنیشیم

یہ معدنیات آپ کے اعصاب، پٹھوں، ہڈیوں، بلڈ شوگر، بلڈ پریشر، اور یہاں تک کہ آپ کے جینیاتی مواد یا ڈی این اے کے لیے بھی بہترین ہے۔ گری دار میوے جیسے کاجو، بادام اور مونگ پھلی اور ان سے بنے مکھن میں بہت زیادہ ہوتا ہے۔

بادام کا مکھن

مونگ پھلی کے بعد  یہ سب سے زیادہ مقبول ترین مکھن ہے ، یہ وٹامن بی سات کے حصول کا ایک بہت بڑا ذریعہ ہے، جسے بایوٹین بھی کہا جاتا ہے۔ یہ غذائیت جسم کو چربی، چینی اور پروٹین پر عمل کرنے میں مدد کرنے کے لیے ضروری ہے جو آپ کھاتے ہیں۔ یہ آپ کے بلڈ شوگر کو مستحکم اور جلد کو صحت مند رکھنے میں بھی مدد کرتا ہے۔

کاجو کا مکھن

کاجو تکنیکی طور پر نٹ نہیں ہے بلکہ سیب کی ایک قسم کا بیج ہے۔ برازیل کے ساحلی علاقوں میں اگتا ہے، چاہے آپ اسے نٹ کہیں یا بیج، یہ کاپر حاصل کرنے کا ایک بہت بڑا ذریعہ ہے، کاپر جسم کے ٹشوز، خون کی پیداوار بڑھانے اور توانائی پیدا کرنے مددفراہم کرتا ہے۔

اخروٹ کا مکھن

اخروٹ دل کے لیے صحت مند اومیگا 3 فیٹی ایسڈ کے حصول کا سب سے مؤثر ذریعہ ہے لہذا اس مکھن کا استعمال جسم کو صحت مند رکھنے میں معاون ثابت ہوتا ہے ۔