چنوں میں چکنائی، کاربوہائیڈریٹس، فائبر، پروٹین، کیلشیئم، آئرن، فولیٹ یا فولک ایسڈ، میگنیشم، زنک، وٹامن بی 6 اور فاسفورس جیسے غذائی اجزا موجود ہوتے ہیں۔

آئیے آپکو چنے کھانے کے حیرت انگیز فوائد بتاتے ہیں۔

بلڈ شوگر کو کنٹرول کرے

ہمارا جسم چنوں کو سست روی سے ہضم کرتا ہے جبکہ اس میں موجود نشاستہ بھی سست روی سے ہضم ہوتا ہے، اس وجہ سے بلڈ شوگر اور انسولین کی سطح بہت تیزی سے اوپر نہیں جاتی۔

یہی وجہ ہے کہ چنوں کو ذیابیطس کے مریضوں کے لیے اچھا تصور کیا جاتا ہے جبکہ صحت مند افراد کو بھی فائدہ ہوتا ہے اور ذیابیطس سے بچنے میں مدد مل سکتی ہے۔

نظام ہاضمہ کے لیے مفید

چنوں میں غذائی فائبر کی مقدار کافی زیادہ ہوتی ہے جو جسم میں سست روی سے ہضم ہوتی ہے۔

چنے کھانے کی عادت سے آنتوں کے افعال بہتر ہوتے ہیں اور قبض سے بچنا آسان ہو جاتا ہے۔

کولیسٹرول کی سطح کم کر سکتے ہیں

چنوں میں موجود فائبر سے جسم میں نقصان دہ کولیسٹرول کی سطح میں کمی ہوتی ہے جس سے امراض قلب کا خطرہ کم ہوتا ہے۔

اگر غذا میں چنوں کو شامل کیا جائے تو کولیسٹرول کی سطح میں کمی آتی ہے۔

کینسر کا خطرہ کم کرے

جب ہم چنے کھاتے ہیں تو ہمارا جسم ایک فیٹی ایسڈ butyrate بناتا ہے۔

یہ فیٹی ایسڈ بیمار اور دم توڑتے خلیات سے نجات دلاتا ہے جس سے آنتوں کے کینسر کا خطرہ کم ہو سکتا ہے۔

ہڈیاں مضبوط کرے

چنوں میں کیلشیئم، میگنیشم، فائبر اور دیگر ایسے غذائی موجود ہیں جو ہڈیوں کو مضبوط بناتے ہیں۔

آئرن کی کمی دور ہوتی ہے

چنے آئرن کے حصول کا اچھا ذریعہ ہیں۔

آئرن خون کے سرخ خلیات کے لیے اہم غذائی جز ہے جبکہ جسمانی نشوونما، دماغی نشوونما، مسلز اور صحت کے دیگر پہلوؤں کے لیے بھی اہم ہوتا ہے۔