چینی اور اس سے بنی اشیاء نہ صرف دیکھنے اچھی لگتی ہیں بلکہ انہیں بار بار کھانے کو جی بھی چاہتا ہے تاہم ماہرین صحت زیادہ میٹھا کھانے کے لیے منع کرتے ہیں کیونکہ اس کا زائڈ استعمال صحت کے لیے نقصان کا باعث بنتا ہے۔

یہ بات درست ہے کہ جسم کو فوری توانائی کے لیے کاربوہائیڈریٹ کی ضرروت ہوتی ہے اور چینی کیلوریز اور کاربوہائیڈریٹ سے بھرپور لیکن غذائیت سے خالی ہوتی ہے۔

یہی وجہ ہے کہ اس کا زائد استعمال جسم میں کئی امراض کا سبب بنتا ہے کیا آپ بھی ایسے افراد میں شامل ہیں جو چائے یا کافی میں اضافی میٹھے کا استعمال کرتے ہیں تو یہ موٹاپے، جلد پر مہاسے، ٹائپ ٹو ذیابیطس کے ساتھ دیگر کئی مسائل کو جنم دے سکتا ہے۔

یہاں پر میٹھے کے زائد استعمال کے ایسے ہی مضر صحت اثرات کا ذکر کیا جارہا ہے تاکہ آپ انہیں جان کر اسے ترک کر دیں۔

امراض قلب

میٹھی غذائیں بلد شوگر، بلد پریشر اور ٹرائی گلیسرائیڈ کے لیے محرک کا کام کرتی ہے یہ سب امراض کے قلب کے لیے خطرے کے عناصر ہیں۔

 وزن کا بڑھنا

میٹھے مشروبات میں بہت زیادہ چینی موجود ہوتی ہیں چینی کی یہ مقدار پیٹ کے ارد گرد چکنائی کی صورت میں جمع ہونے لگتی ہے جو وزن بڑھنے کا ایک بنیادی سبب ہے۔

ذیابیطس

ایسی غذائیں جو بہت زیادہ میٹھی ہوتی ہیں وہ موٹاپا بڑھانے کے ساتھ انسولین کی مزاحمت میں اہم کردار ادا کرتی ہیں یہ دونوں ہی ٹائپ ٹو ذیابیطس کے خطرے کو بڑھا سکتی ہیں۔

 فیٹی لیور

جسم میں چینی کی زائد مقدار جگر پر اضافی بوجھ کا سبب بنتی ہے جس سے فیٹی لیور یعنی جگر پر چکنائی کا مرض جنم لے سکتا ہے۔

ڈپریشن

چینی کا کثرت سے استعمال مزاج میں تبدیلی کا سبب بنتا ہے جس سے کئی طرح کے مسائل پیدا ہونے لگتے ہیں جیسے تناؤ اور ڈپریشن۔ جس سے صحت بری طرح متاثر ہونے لگتی ہے۔

جلد کے مسائل

کیا آپ جانتے ہیں بہت زیادہ میٹھی غذائیں چہرے پر ایکنی کا سبب بنتی ہیں جبکہ یہ بڑھاپے  کے عمل کی رفتار کو بڑھا دیتی ہے جس سے وقت سے پہلے چہرے پر جھریاں بننے لگتی ہیں۔