آج ہم آپکو بتائیں گے کہ وہ کونسی غذا ہے جو بیشتر افراد کو ہارٹ اٹیک اور موٹاپے کا شکار بنا دیتی ہے۔

ایک حالیہ تحقیق کے مطابق اگر آپ کی غذا میں چینی کی مقدار بہت زیادہ ہوتی ہے تو دل کی شریانوں سے جڑے امراض اور توند نکلنے کے لیے بھی تیار رہنا چاہیے۔

جی ہاں، غذاؤں میں شامل کی جانے والی چینی سے دل کی شریانوں سے جڑے امراض کا خطرہ بڑھتا ہے۔

اس تحقیق کے لیے یو کے بائیو بینک سے ایک لاکھ 10 ہزار سے زائد ایسے افراد کا ڈیٹا حاصل کیا جو کم از کم 2 غذائی سروے مکمل کر چکے تھے۔

یہ بھی پڑھیں: ورزش کے دوران دل کا دورہ پڑنے کی وجوہات کیا ہیں؟

اس ڈیٹا کی جانچ پڑتال کے بعد محققین نے ان افراد کی صحت کا جائزہ 9.4 سال تک لیا اور اس عرصے میں امراض قلب، فالج یا ہارٹ اٹیک کے کیسز کی مانیٹرنگ کی گئی۔

نتائج سے معلوم ہوا کہ غذاؤں اور مشروبات کے ذریعے چینی کا زیادہ استعمال دل کی شریانوں سے جڑے امراض اور توند نکلنے کا خطرہ بڑھاتا ہے۔

تحقیق میں دریافت کیا گیا کہ غذا میں چینی کی مقدار جتنی زیادہ ہوگی، امراض قلب، فالج اور ہارٹ اٹیک کا خطرہ اتنا زیادہ ہوگا۔

تحقیق میں بتایا گیا کہ چینی کے زیادہ استمال سے امراض قلب کا خطرہ 6 فیصد جبکہ فالج کا خطرہ 10 فیصد تک بڑھ جاتا ہے۔

یہ بھی پڑھیں: دل کا دورہ پڑنے سے 1 ہفتہ پہلے ظاہر ہونے والی 4 خاموش علامات جو آپ کو ہر گز نظر انداز نہیں کرنی چاہئیں

محققین کا کہنا ہے کہ چینی کی جگہ قدرتی مٹھاس پر مبنی غذا جیسے پھلوں اور سبزیوں کو ترجیح دینے سے دل کی شریانوں سے جڑے امراض کا خطرہ کم کیا جاسکتا ہے۔

اسی طرح روزانہ غذائی فائبر کے زیادہ استعمال سے دل کی شریانوں سے جڑے امراض کا خطرہ 4 فیصد تک کم کیا جاسکتا ہے۔