صحت مند رہنے کے لیے جس طرح جسم کی دیکھ بھال اور صحت وصفائی کا خیال رکھنا نہایت ضروری ہے۔ اسی طرح بہتر سماعت کے لیے کان کی صحت وصفائی کا خیال رکھنا بھی خاص اہمیت رکھتا ہے۔

عام طور دیکھا گیا ہے لوگوں کی بڑی تعداد کان کی صفائی کے لیے کاٹن بڈ کا استعمال کرتی ہے لیکن یہ صفائی کرنے کے بجائے کان کی صحت کو نقصان پہنچاتے ہیں۔ یہی وجہ ہے ماہرین کان صاف کرنے کے کاٹن بڈ کے استعمال سے گریز کا مشورہ دیتے ہیں۔  یہاں پر کان صاف کرنے چند آسان محفوظ طریقوں کے بارے بتائے جارہے ہیں۔

ایئر ویکس کیوں ضروری ہے؟

ایئر ویکس کان کی حفاظت کا کام انجام دیتا ہے، یہ مختلف بیکٹیریا اور گندگی کو کان میں جانے سے  سے بھی روکتا ہے۔ یہ بہترین قدرتی چکنائی ہے جو کان کو خشک ہونے اور خارش کا باعث بننے سے بچاتا ہے۔

تاہم کان میں موجود ویکس کو اگر مناسب طریقے سے صاف نہ کیا جائے تو یہ جمع ہونے لگتا ہے جس میں آہستہ آہستہ دھول مٹی شامل ہونے کی وجہ سے یہ سخت ہوجاتا ہے۔ جس کی صفائی نہایت ضروری ہوتی ہے۔

کان صاف کرنے کے لیے یہاں پر دو طریقے پیش کیے جارہے ہیں جو نہایت کارآمد اور محفوظ ہیں جنہیں گھر میں آسانی سے استعمال کیا جاسکتا ہے۔

کان کے قطرے استعمال کریں

اس مقصد کے لیے بچوں کا بے بی آئل، معدنی تیل، یا گلیسرین کو استعمال کیا جاسکتا ہے ان کے ایک یا دوقطرے کان میں ڈال کر کان کے موم کا نرم ہونے تک انتظارکریں، 2 دن بعد، آپ اپنے کان میں گرم پانی ڈالنے کے لیے سرنج کا استعمال کر سکتے ہیں اس طرح میل باہر آجائے گا اس کے بعد کان کے بیرونی حصے کو  صاف تولیہ کی مدد سے صاف کریں۔

صاف ٹشو استعمال کریں

جب بھی آپ شاورلیتے ہیں تو کان کا موم دھل جاتا ہے، لیکن اس کے اندر موجود موم کو صاف کرنے کے لیے آپ خشک ٹشوکو استعمال کر سکتے ہیں، اسے پانی میں بھگو کر کان کے اندر اور باہر صاف کریں۔