سرد موسم میں لحاف میں بیٹھ کر دیر تک سونا کسے پسند نہیں  تاہم اس موسم میں صبح کی چہل قدمی کے فوائد حیران کن ہیں جو آپ کی دماغی کارکردگی کو بڑھانے کے ساتھ مجموعی صحت کو بہتر بناتے ہیں۔

یہ بات درست ہے کہ صحت مند رہنے کے لئے جہاں متوازن غذا ضروری ہے وہی ورزش کی اہمیت سے بھی انکار نہیں کیا جاسکتا۔ یوں تو سب ہی چہل قدمی اور جسمانی سرگرمیوں کی اہمیت سے واقف ہیں یہ وہ واحد ذریعہ ہے جو نہ صرف کئی بیماریوں سے تحفظ فراہم کرتا ہے بلکہ بیماری کی صورت میں اس سے نجات دینے اور صحت بحال کرنے میں معاون ثابت ہوتا ہے۔

 یہاں پر صبح کے وقت کی چہل قدمی کے چند فوائد پیش کئے جارہے ہیں جنہیں جان کر آپ کبھی اس عمل کو ترک نہیں کریں گے۔

امرض قلب سے تحفظ

موسم سرماکی صبح دھوپ میں چہل قدمی کرنا وٹامن ڈی کے حصول کو یقینی بناتا ہے جو دل کے صحت کو بہتر بنانے میں مدد فراہم کرتا ہے۔

مضبوط ہڈیاں

وٹامن ڈی کی مناسب مقدار نہ صرف آپ کے جسمانی افعال کی بہتر انجام دہی میں مدد فراہم کرتی ہے بلکہ یہ ہڈیوں کو مضبوط بناکر مستقبل میں ہونے والے اوسٹیوپروسس کے خطرے کو بھی کم کرتی ہے۔

لمبی عمر کی ضامن

تحقیق سے یہ بات ثابت ہوچکی ہے کہ صبح کے وقت محض 20 کی چہل قدمی آپ کو بیماریوں سے بچاکر آپ کی عمر میں اضافہ کرتی ہے تو اس عادت کو کبھی ترک نہ کریں۔

ڈپریشن کی علامات میں کمی

موسم سرما میں واک کرنا ڈپریشن کی علامات کو کم کرنے مددفراہم کرتا ہے اس طرح دماغی صحت بہتر ہوتی ہے۔

صحت مند وزن

جسم کے اضافی وزن کو کم کرنے کے لیے یہ ایک بہترین طریقہ ہے جو بھی غذا کھائی جاتی ہے اس میں اضافی غذا جسم میں چربی کی صورت میں جمع ہوجاتی ہے اس لیے سخت ورزش کرنے کے بجائے سرد موسم میں صبح کی چہل قدمی فائدہ مند ثابت ہوتی ہے۔