پوری دنیا میں ڈپریشن حیرت انگیز حد تک ایک عام بیماری بن چکا ہے۔

ڈپریشن ایک موڈ سے متعلقہ بیماری ہے اور یہ روز مرہ کے کام مثلا کھانا، پینا، سونا، جاگنا اور معاشرتی رویوں کو شدید طور پر متاثر کرتا ہے۔

ڈیپریشن کئی اقسام کا ہو سکتا ہے، کسی بھی قسم کے ڈیپریشن میں پیدا ہونے والی ناامیدی کی شدید لہر انسان کو تباہ کن حد تک متاثر کرتی ہے۔

زیادہ تر لوگ اپنے دل کی باتیں دل میں رکھتے ہیں اور دل ہی دل میں کڑھتے رہتے ہیں جس کی وجہ سے ان کی سوچیں مزید الجھ کر ان کو ڈپریشن کا مریض بنا دیتی ہیں۔

یہ بھی پڑھیں: لوگ ڈپریشن کے شکار کیوں ہوتے ہیں؟ اہم وجہ سامنے آگئی

بعض افراد انتہائی حساس ہوتے ہیں اس لیے چھوٹی چھوٹی باتوں کو خود پرحاوی کرلیتے ہیں اور اپنا دھیان بٹانے کی کوشش نہیں کرتے بلکہ ایک ہی بات کو بار بار سوچتے چلے جاتے ہیں جس کی وجہ سے ان کی ٹینشن بڑھتی ہی چلی جاتی ہے۔

تو آج ہم آپکو ڈپریشن سے دور رہنے کے کچھ آسان طریقے بتائیں گے۔

چہل قدمی

چہل قدمی کرنے کے لیے کسی خرچے کی ضرورت نہیں اور اس کو دن میں کسی بھی وقت کرنا ممکن ہے۔

چہل قدمی کرنے سے تناؤ میں کمی آتی ہے، انزائٹی کی علامات کی شدت کم ہوتی ہے اور منفی خیالات سے نجات ملتی ہے۔

روزانہ محض 15 منٹ کی چہل قدمی کرنے سے ڈپریشن کا خطرہ 26 فیصد کم ہو جاتا ہے۔

جاگنگ

اگر چہل قدمی کی بجائے ذرا سخت ورزش کرنا چاہتے ہیں تو جاگنگ کو آزما کر دیکھیں۔

جب ہم دوڑتے ہیں تو ہمارے دماغ میں اینڈروفن نامی ہارمون کی مقدار بڑھتی ہے جس سے مزاج پر خوشگوار اثرات مرتب ہوتے ہیں۔

جاگنگ کرنے سے نیند کا معیار بہتر ہوتا ہے جس سے بھی ڈپریشن سے متاثر ہونے کا خطرہ کم ہوتا ہے۔

مسلز بنانے والی ورزشیں

مسلز بنانے کے ساتھ ساتھ یہ ورزشیں دماغی صحت کے لیے بھی فائدہ مند ہوتی ہیں۔

ان ورزشوں سے ڈپریشن کے شکار ہونے کا خطرہ کم ہوتا ہے یا ڈپریشن سے متاثر ہونے پر علامات کی شدت میں کمی آتی ہے۔

اس کے لیے ضروری نہیں جم جائیں گھر میں بھی ڈمبلز سے ایسی ورزشیں کی جاسکتی ہیں۔

یوگا

یوگا کرنے کی عادت سے بھی دماغی صحت بہتر ہوتی ہے۔

یوگا کے دوران نظام تنفس پر توجہ مرکوز کرنے سے دماغ کے لیے نقصان دہ چیزوں جیسے منفی خیالات سے نجات ملتی ہے۔

رقص کی متعدد اقسام ہیں اور سب ہی صحت کے لیے مفید ہیں۔ضروری نہیں کہ سب کے سامنے رقص کیا جائے، اکیلے رقص کرکے بھی آپ دماغی صحت کو بہتر بنا سکتے ہیں۔

یہ بھی پڑھیں: ڈپریشن کو خاموش قاتل کیوں کہا جاتا ہے؟