طبی سائنس کا کہنا ہےکہ روزہ رکھنے سے انسانی جسم میں حیرت انگیز اور خوشگوار تبدیلیاں آتی ہیں جو اسے دیرپا فائدہ پہنچاتی ہیں۔ 

اس کے ساتھ ساتھ  روزہ ہمیں دوسروں کی بھوک پیاس کا احساس بھی کرواتا ہے اور دوسروں کا خیال رکھنے کا درس دیتا ہے۔

ماہرین کا کہنا ہے کہ روزے رکھنے سے ذہنی وقلبی سکون بھی ملتا ہے، جبکہ ذہنی تناؤ میں بھی نمایاں کمی واقع ہوتی ہے۔

ماہرین کے مطابق روزہ صحت کیلیے بہترین ہے، رمضان میں تراویح پڑھنے والوں کوکسی اور ورزش کی ضرورت نہیں ہوتی۔

یہ بھی پڑھیں: پہلا روزہ کب ہوگا؟ محکمہ موسمیات کا اہم بیان آگیا

دوسری جانب روزہ رکھنے سے وزن میں کمی ہوتی ہے اور دل وجگر کے بہتر افعال ہوتے ہیں۔

دن میں روزے کے دوران 2 بار خون میں شوگر کی مقدارکو بھی چیک کرسکتے ہیں۔ خون میں شوگر کی سطح معلوم کرنے کیلئے  24 گھنٹے میں 3 بار شوگر چیک کی جاسکتی ہے۔

طبی ماہرین کا یہ بھی کہنا ہےکہ وہ افراد جوشدید ذیابطیس میں مبتلا ہیں یا جن کے گردے ناکارہ ہوچکے ہیں یا جو شدید میگرین، السر اور مرگی کا شکار ہیں وہ روزہ رکھنے سے گریز کریں۔