رمضان میں ہر شخص کی خواہش ہوتی ہے کہ وہ پورے روزے رکھے لیکن اکثر شوگر کے مریض اس حوالے سے پریشان نظر آتے ہیں۔

شوگر کے مریضوں کو رمضان میں بہت احتیاط کرنی پڑتی ہے کیونکہ اگر وہ ایسا نہیں کرتے تو ان کی شوگر کافی بڑھ جاتی ہے یا پھر بہت ہی لو ہو جاتی ہے۔

یہ بھی پڑھیں: ذیابیطس میں کس تیل کا استعمال صحت کے لئے مفید ہے

اس حوالے سے ماہرین کا کہنا ہے کہ شوگر کے مریضوں کو چاہیے کہ وہ روزے کے دنوں میں اپنی شوگر کو جب موقع ملے تب چیک کریں اور ذرا بھی شک ہو تو اپنے ڈاکٹر سے رجوع کریں۔

  ذیابیطس کے مریضوں کیلئے چند اہم مشورے

سحری میں ناریل کا پانی، لیموں پانی یا سادا پانی پی کر خود کو ہائیڈریٹ رکھیں، افطار کے بعد یا سحری میں اتنا پانی پی لیں کہ دن کے 7-8 گلاس ہوجائیں۔

کوشش کریں سحری اور افطار میں پھل سمیت دہی اور دودھ کا استعمال کریں اور  کم گلیسیمک انڈیکس والے کاربوہائیڈریٹس کو ترجیح دیں جیسے براؤن رائس، ملٹی گرین آٹا اور سبزیاں وغیر۔

یہ بھی پڑھیں: منہ میں پیدا ہونے والی وہ علامات جو آپ کو ذیابیطس سے آگاہ کرے

افطاری کے وقت افطار کی اشیاء اور کھانا ایک ہی وقت میں کھانے سے گریز کریں،  بہتر ہے کہ پہلے افطار کریں، کچھ دیر بعد کھانا کھائیں اور اس کے بعد وقفے وقفے سے کچھ نہ کچھ کھاتے رہیں۔