ایلوویرا جیل کے نام سے کون واقف نہیں یہ ایک حیرت انگیز پودا ہے جو آپ کی صحت کو بر قرار رکھنے کے ساتھ حسن کو بڑھانے میں معاونت کرتا ہے۔

اس پودے میں سفید جیل کی طرح کا مادہ ہوتا ہے جسے براہ راست استعمال کیا جاتا ہے۔ بینائی کو بہتر بنانا ہو یا پھر ذیا بیطس کے مرض میں چینی کی مقدار کو خون میں بڑھنے سے روکنا ہو یہ ہر طرح سے ایک خادم کی طرح آپ کے سامنے موجود رہتا ہے، اور بات یہی ختم نہیں ہو تی اس کا جیل جلد کے تمام مسائل کا واحد حل بھی ہے

ایلوویرا جیل  انتہائی ورسٹائل ہونے کی بنا پر مہاسوں کے علاج اور موئسچرائزر کے طور پر استعمال کیا جا سکتا ہے۔ اگر آپ اس کو مزید مؤثر بنانا چاہتے ہیں تواس میں  مختلف آئلز کا استعمال کر سکتے ہیں۔

یہاں پر ایسی ہی چند آئلز کا ذکر کیا جارہا ہے جسے ایلوویرا کے ساتھ ملاکر آپ اپنی جلد اور بالوں کو صحت مند رکھنے کے لیے آزما سکتے ہیں۔

کنڈیشنر کے لیے

گھریلو کنڈیشنگ ماسک کے لیے ایلووویرا کو ناریل کے تیل میں مکس کریں۔ 2 کھانے کے چمچ ایلو ویرا جیل کو 2 کھانے کے چمچ ناریل کے تیل کے ساتھ ملائیں۔ بالوں کو اسی طرح دھوئیں جیسے آپ عام طوردھوتے ہیں۔ پھر اپنے بالوں میں ایلو اور ناریل کے تیل کی مالش کریں اور اسے اپنے بالوں کے سروں تک لگائیں۔ کنڈیشنر کو بالوں میں دھونے سے پہلے 30 منٹ تک لگا کر رکھیں۔

ہیئر ماسک

ناریل کا تیل خشک بالوں کو موئسچرائز کرنے کے لیے مفید تصور کیا جاتاہے اس میں ایلوو ویرا جیل شامل کرنے سے یہ اور بھی زیادہ مؤثر طریقے سے کام کرتا ہے۔

1 چمچ کیسٹر آئل، وٹامن ای کے چند قطرے، یا اپنے پسندیدہ ایسنشیئل آئل چند قطرے، جیسے ٹی ٹری یا لیوینڈر بھی شامل کر سکتے ہیں۔

کیڑوں کو بھگانے کے لیے

کچھ مطالعات سے پتہ چلتا ہے کہ ایلو ویرا اور زیتون کا تیل ملاکر جلد پر لگانے سے مچھروں سے بچا جاسکتا ہے۔

تقریباً 0.84 کپ زیتون کے تیل کو 3 کھانے کے چمچ ایلو ویرا جیل کے ساتھ ملا کر اچھی طرح مکس کریں۔ جب بھی آپ باہر جا رہے ہوں تو اس مرکب کو اپنی جلد پر لگائیں۔

چہرے کی دلکشی کے لیے

1 کھانے کا چمچ ایلو ویرا جیل اور 1 کھانے کا چمچ  جوجوبا آئل ایک چھوٹی ڈراپر بوتل میں ڈال کر اچھی طرح مکس کریں۔ چہرے کو دھونے کے بعد، اپنے ہاتھ میں چند قطرے لے کراس مکسچر کو جلد پر لگائیں۔ آپ اسے دن میں دو بار استعمال کریں یہ چکنائی کو دور کرنے کے ساتھ مہاسوں کے علاج میں بھی مددگار ثابت ہوگا۔

اینٹی ایجنگ کریم

ایک چھوٹی بوتل میں 9 حصے ایلو ویرا جیل اور 1 حصہ کیسٹر آئل ملا کراچھی طرح مکس کریں  مکسچر کو فریج میں رکھیں تاکہ یہ جلد پر ٹھنڈک کے احساس کو پیدا کرے۔ اسے جلد پر لگاکر ہلکے ہاتھ سے مساج کریں۔

ارنڈی کے تیل میں اینٹئ سوزش خصوصیات بھی ہوتی ہیں، اس لیے یہ جھریوں کو کم کرنے میں مدد کر سکتا ہے۔

داغ دھبوں کو دور کرنے کے لیے

داغ دھبوں کو ہلکا کرنے کے لیے ایلوویرا کے ساتھ ٹی ٹری آئل کو مکس کریں۔ اگر آپ اپنا فیس ماسک خود بنانا چاہتے ہیں تو 4 کھانے کے چمچ ایلوویرا جیل کو صرف 2 قطرے ٹی ٹری آئل کے ساتھ ملا کر چہرے کے داغوں پر لگائیں اور اسے تقریباً 10 سے 15 منٹ بعد دھولیں۔ اس کے بعد موئسچرائزرکا استعمال کریں۔