آج ہم آپکو بتائیں گے کہ کچھ لوگوں کے ایک ہاتھ میں دو انگوٹھے کیوں ہوتے ہیں۔

اس کی مثال بالی ووڈ فلم انڈسٹری کے مشہور و معروف اداکار ہریتھک روشن ہیں جن کے ایک ہاتھ میں دو انگوٹھے ہیں۔

امریکی شہر بوسٹن میں واقع اسپتال ‘چلڈرنز اسپتال’ کی ویب سائٹ کے مطابق اس کنڈیشن کو  Thumb duplication، pre-axial polydactyly، split thumb اور bifid thumb کہا جاتا ہے۔

یہ ایک عام پیدائشی حالت ہے جب بچے کی پیدائش ہوتی ہے تو اس کے ایک ہاتھ میں چھ انگلیاں ہوتی ہیں، یہ حالت عموماً صرف ایک ہی ہاتھ میں ہوتی ہے، ایک ہزار بچوں میں سے تقریباً ایک بچے کے ہاتھ میں دو انگوٹھے ہوتے ہیں۔

یہ بھی پڑھیں: بعض ٹی شرٹ میں وی کی شکل کیوں بنی ہوتی ہے؟ دلچسپ وجہ جانیے

دلچسپ بات یہ ہے کہ یہ حالت لڑکیوں کے مقابلے لڑکوں میں زیادہ ہوتی ہے اور یہ ان بچوں میں زیادہ عام ہے جو امریکی، ایشیائی امریکی یا سفید فام ہیں۔

اب تک ڈاکٹرز اور ماہرین اس کی اصل وجہ معلوم نہیں کرسکے تاہم پیدائش سے قبل ہی ہاتھ کی رگیں، پٹھے اور ہڈیوں کو جوڑنے والی رگیں ان دو انگوٹھوں میں تقسیم ہوجاتی ہیں۔

یہ دونوں انگوٹھے عام شخص کے ایک انگوٹھے کے مقابلے میں کم رفتار سے بڑھتے ہیں اور چھوٹے بھی ہوتے ہیں۔

اگر کوئی چاہے تو اسے سرجری کے ذریعے ہٹوا کر ایک انگوٹھا کر سکتا ہے، یہ آپریشن اس وقت ہوتا ہے جب بچہ ایک سے دو سال کا ہو جائے۔

یہ بھی پڑھیں: کریڈٹ کارڈ کا کچن میں بھی استعمال ہوسکتا ہے؛ مگر کیسے؟

یہ سرجری کروانا ضروری نہیں کیونکہ یہ بچے کو کسی قسم کا نقصان نہیں دیتا اور نہ ہی دو انگوٹھوں کے باعث کوئی درد ہوتا ہے۔