زیرے کا استعمال صدیوں سے کھانوں میں بطور مصالحے اور خوشبو کے لیے کیا جاتا رہا ہے۔

تاہم اس میں ایسے صحت بخش اجزاء جیسے اینٹی آکسیڈینٹس، پروٹین، چکنائی، کاربوہائیڈریٹ، کیلشیم، کاپر، آئرن، میگنیشیم، میگنیز، فاسفورس اور پوٹاشیم پائے جاتے ہیں جو آپ کی مجموعی صحت کو برقرار رکھ کر کئی امراض سے تحفظ فراہم کرتے ہیں۔

زیرہ نہ صرف آپ کو صحت مند رکھتا ہے بلکہ یہ آپ کی جلد کے بھی کئی مسائل حل کرنے کی بھرپور صلاحیت رکھتا ہے۔

لیکن کیا آپ جانتے ہیں کہ دو چمچ زیرے کو گرم پانی میں رات بھر بھگو کر کھانے سے کیا ہوتا ہے؟ اگر نہیں تو آئیے ہم آپکو بتاتے ہیں۔

تھائی رائیڈ کے مسئلے کو حل کرے

8 ہفتوں تک اس پانی کا لازمی استعمال تھائی رائیڈ کے مسئلے کو حل کرنے میں اپنی انفلامیٹری خصوصیات سے مدد دیتا ہے۔

یہ بھی پڑھیں: کیا آپ موسمِ سرما میں زیرے کے ان حیرت انگیز فوائد سے واقف ہیں؟

ہارمونز کی خرابی کو دور کرے

زیرے کا پانی ہارمونز کی خرابی کو دور کرتا ہے جس سے پی سی او کے مسئلے میں کمی آجاتی ہے۔

جسم سے تیزابیت کو دور کرے

زیرے کا پانی معدے کی جلن اور سینے کی تیزابیت کو دور کرنے میں مدد دیتا ہے۔

وزن کم کرے

زیرے کا پانی وزن میں کمی اور کولیسٹرول لیول کم کرنے میں مفید ہے۔

نظامِ ہضم کو مضبوط بنائے

زیرے کا پانی نظامِ ہضم کو مضبوط بنانے میں اہم کردار ادا کرتا ہے،  قبض، ڈائریا اور قے کی شکایت میں زیرہ کارآمد ٹانک ہے۔

جلد بوڑھا ہونے سے بچائے

اگر آپ جلد بوڑھا نہیں ہونا چاہتے تو روزانہ ایک چٹکی زیرہ استعمال کریں یا تو رات کے وقت ایک چٹکی زیرے کو گلاس پانی میں بھگو دیں۔

یہ بھی پڑھیں: بھوک میں کمی لانے والی ان 5 غذاؤں سے وزن کم کرنا اب ہو آسان

 صبح نہار منہ پانی پی لیں اور زیرہ پھینک دیں، اس سے جلد بُڑھاپے کے اثرات رونما نہیں ہوں گے کیونکہ اس میں وٹامن ای پایا جاتا ہے جو اینٹی ایجنگ اثرات کی روک تھام کرتا ہے۔

واضح رہے کہ زیرے کو ایک چٹکی یا آدھے چمچ سے زیادہ استعمال نہ کیا جائے۔