بھورے رنگ والے چھوٹے چھوٹے السی کے بیج جہاں اپنے اندر جادوئی فوائد رکھتے ہیں وہیں ان کو کچھ نقصانات بھی ہیں۔

السی کے بیجوں میں فائبر کی زیادہ مقدار ہوتی ہے جو ہاضمے کی تکلیف کا باعث بن سکتی ہے جیسے اپھارہ، گیس اور اسہال۔

ان بیجوں میں کم مقدار میں سائینائیڈ ہوتا ہے جو ممکنہ طور پر زہریلا مرکب ہے۔

تاہم ان بیجوں میں سائینائیڈ کی مقدار مناسب مقدار میں کھانے پر ہمارے لیے نقصان دہ نہیں ہوتی۔

یہ بھی پڑھیں: السی کے بیجوں کا استعمال خواتین کے لئے کیوں ضروری ہے؟

السی کے بیجوں میں پولی ان سیچوریٹڈ چکنائی زیادہ ہوتی ہے جو گرمی، روشنی یا ہوا کے سامنے آنے پر آکسیکرن اور گندگی کا شکار ہوتے ہیں۔

اس سے بچنے کے لیے السی کے بیجوں کو ٹھنڈی جگہ پر رکھیں، لمبے عرصے تک ان کو اسٹور کر کے استعمال نہ کریں ورنہ قدرتی طور پر ان میں سے نمی اور آئل کا اخراج ہوتا ہے جو غذا کے طور پر مفید نہیں ہوتا۔

یہ بیج کچھ لوگوں میں الرجک رد عمل کا سبب بن سکتے ہیں، خاص طور پر وہ لوگ جن کو سانس لینے میں دشواری ہوتی ہے یا پھر دھول مٹی سے بھی الرجی ہوتی ہے۔

یہ بھی پڑھیں: السی کے بیج استعمال کرنے کے حیران کن فوائد