کیا آپ وٹامن ڈی کی کمی کی نشانیاں اور علامات جانتے ہیں؟ اگر نہیں تو آج ہم آپ کو بتائیں گے۔

صحت مند رہنے کے لیے جسم میں تمام ہی وٹامنز اور منرلز کا صحیح تناسب ازحد ضروری ہے کسی ایک کی بھی کمی آپ کی صحت کومتاثر کر سکتی ہیں ان ہی میں وٹامن ڈی بھی شامل ہیں۔

وٹامن ڈی کی اہمیت کا اندازہ اس بات سے لگایا جاسکتا ہے کہ صحت کو بہتر باننے کے لیے کی جانے والی تحقیق  میں اس اہم وٹامن کی مناسب مقدار کویقینی بنانے پر زور دیا جاتا ہے۔

یہ بھی پڑھیں: وٹامن ڈی کا ایک اور فائدہ سامنے آگیا

جتنا زیادہ آپ وٹامن ڈی کے بارے میں جانتے ہیں اتنی اس کی افادیت سامنے آتی ہے یہاں تک کہ کئی موذی امراض کا سبب صرف اس وٹامن کی کمی ہے۔

وٹامن ڈی دراصل چکنائی کو حل کرنے والا ہارمون ہے یہ غذا اور سپلیمنٹ سے حاصل کیا جاسکتا ہے مگر اس کا سب سے سستا، آسان اور بنیادی ذریعہ سورج کی روشنی ہے۔ ایسے افراد جن کا سورج کی روشنی سے واسطہ کم ہی پڑتا ہے اس کی کمی کا بآسانی شکار ہوسکتے ہیں۔

 یہی وجہ ہے کہ  بہترین صحت کا حصول اس کے بغیر ممکن نہیں۔ ہڈیوں کی صحت اور پٹھوں کی مضبوطی سے لے کربہترمزاج ، آنتوں کی صحت اور لمبی عمر تک سب کے لیے یہ بنیادی کردار ادا کرتا ہے۔ اسی لیے قدرت نے اس اہم وٹامن کے حصول کا سب سے آسان ذریعہ اور سستا ترین سورج کی روشنی کو قرار دیا یے تاکہ سب اس سے مستفید ہوسکیں۔

اس کے باوجود دنیا بھر میں ایسے افراد کی کمی نہیں ہے کہ جن میں اس اہم وٹامن کی کمی نہ ہو، تاہم وٹامن ڈی کی کمی کی صورت میں کچھ علامات سامنے آتی ہیں جنہیں جان کراس کمی کوبروقت پورا کر سکتے ہیں وہ علامات کیا ہیں جانتے ہیں۔

 وٹامن ڈی کی کمی کی سب سے بڑی علامت

وٹامن ڈی کی کمی کی سے بڑی علامت تھکاوٹ اور عام طور پر بیمار ہونے کا احساس ہے اس کے ساتھ مزاج کا بہتر نہ ہونا، افسردگی، نیند کی کمی، ذہنی دباؤ، کمزور مدافعتی نظام، سوزش، تھائی رائیڈ، آنتوں کے مسائل، سانسوں سے ناخوشگوار مہک کا آنا اور پٹھوں میں درد شامل ہے۔

وٹامن ڈی کی کمی کو کیسے پورا کیا جائے؟

اگر آپ میں ان علامات میں سے ایک سے زیادہ موجود ہوں تو فوری معالج سے رابطہ کریں تاکہ ایک سادہ سے معائنہ کے بعد بروقت علاج تجویز کیا جاسکے۔ بہت زیادہ کمی کی صورت میں معالج ادویات تجویز کرتے ہیں، ساتھ سورج کی روشنی اور وٹامن ڈی سے بھر غذاؤں کا استعمال بڑھا دیں تاکہ اس کمی کو پورا کیا جاسکے۔