روزمرہ کی بھاگتی دوڑتی زندگی میں ہم اپنی صحت کے متعلق بہت ساری باتوں کو نظر انداز کردیتے ہیں جو کہ یقیناً غلط ہے۔

کسی بھی فرد کو اپنی صحت کے حوالے سے کسی طور پر غافل نہیں رہنا چاہیے۔

کمر کا درد دنیا بھر کا مسئلہ ہے اور لگ بھگ ہر کسی کو زندگی میں کبھی نہ کبھی اس کا سامنا ہوتا ہے۔

عام طور پر یہ درد پسلی سے نیچے شروع ہوتا ہے اور نیچے تک پھیلتا ہوا محسوس ہوتا ہے جو کہ کافی تکلیف دہ ہوتا ہے۔

آئیے کمر درد دور کرنے کے 5 نہایت ہی آسان طریقے جانتے ہیں۔

ورزش

اگر آپ کمر درد کا علاج گھر سے ہی شروع کرنا چاہتے ہیں تو روزانہ 30 منٹ تک چہل قدمی کریں۔

یہ بھی پڑھیں: کمر درد پر کیسے قابو پایا جائے؟ جانیں

ماہرین صحت کا کہنا ہے کہ چہل قدمی درد کو کم کرتی ہے اور معیار زندگی کو بہتر بناتی ہے۔

متوازن وزن

کمر درد کا تعلق کسی حد تک انسان کے وزن سے بھی ہے۔

زیادہ وزن کا زیادہ ہونا کمر کے پٹھوں کا تناؤ بڑھا دیتا ہے جس سے چھوٹے پٹھے کو کھینچ جاتے ہیں اور درد میں اضافہ ہوتا ہے۔

اپنے ڈائٹ پلان کا خاص خیال رکھیں، غذا میں چکنائی والی اشیا سے پرہیز کریں اور اگر اس حوالے سے مدد کی ضرورت ہے تو کسی ڈاکٹر سے غذا اور ورزش پلان ک باررے میں مشورہ کریں جو آپ کے لیے بہترین ہو۔

سگریٹ نوشی سے پرہیز

تمباکو نوشی نہ صرف آپ کو پھیپھڑوں کے کینسر، دل کی بیماری، ہائی بلڈ پریشر، اور دیگر صحت کے مسائل کا خطرہ بڑھاتی ہے بلکہ یہ آپ کی کمر کو بھی شدید متاثر کرسکتی ہے۔

یہ بھی پڑھیں: بجلی کی مدد سے کمر درد کا علاج ممکن ہے، تحقیق

تحقیق سے پتہ چلتا ہے کہ جو شخص زیادہ سگریٹ نوشی کا عادی ہے ان میں کمر درد جیسی بیماری کے امکانات زیادہ پائے جاتے ہیں۔

بھاری وزن اٹھانے سے پرہیز کریں

بھاری وزن اُٹھانے سے گریز کریں اور اگر کبھی وزن اُٹھانا پڑے تو اپنی ٹانگوں پر بوجھ ڈال کر اٹھائیں، اپنی پیٹھ کو سیدھا رکھیں، صرف اپنے گھٹنوں کو موڑیں اور وزن کو اپنے جسم کے قریب رکھیں۔

جسم سیدھا رکھیں

چلتے وقت اپنی ریڑھ کی ہڈی کو سیدھا رکھیں اور جھکنے سے گریز کریں، جسم کو درست پوزیشن پر رکھ کر آپ کمردرد کی شدت میں کمی لاسکتے ہیں۔

بیٹھتے وقت اپنے کولہوں اور گھٹنوں کو ایک ہی سطح پر رکھیں اور کم از کم ہر آدھے گھنٹے بعد اپنی پوزیشن بدلیں۔

یہ بھی پڑھیں: کمر کے درد کی وجوہات اور بچاؤ کے طریقے

اگر آپ دفتر میں کام ایک ہی جگہ دیر تک بیٹھ کر کام کر رہے ہیں تو ہر 15 منٹ بعد چہل قدمی کریں۔