کیا آپ کو معلوم ہے کہ ایک ٹوتھ برش کو کتنے عرصے بعد بدلنا لازمی ہوتا ہے؟ اگر نہیں تو آج ہم آپ کو بتائیں گے۔

امریکن ڈینٹل ایسوسی ایشن کے مطابق عمر بڑھنے کے ساتھ دانتوں کی فرسودگی اور مسوڑوں کے امراض کا امکان بڑھتا ہے، مگر ان کی روک تھام آسانی سے ممکن ہے۔

اے ڈی اے کی سفارشات میں بتایا گیا ہے کہ ٹوتھ برش کو ہر 3 سے 4 ماہ بعد بدل دینا چاہیے، اگر اس کے بال یا ریشے خراب ہو رہے ہیں تو اس سے پہلے بھی ٹوتھ برش کو بدلنا بہتر ہوتا ہے۔

یہ بھی پڑھیں؛ ٹوتھ پیسٹ کے حیرت انگیز کمالات؛ جو آپ نے پہلے کبھی نہیں سنے ہونگے

ماہرین نے بتایا کہ اگر ٹوتھ برش کو لمبے عرصے تک استعمال کیا جائے تو مسوڑوں کے امراض، دانتوں کے مسائل اور دیگر انفیکشنز کا خطرہ بڑھتا ہے۔

اس کے علاوہ آپ خود بھی اندازہ لگا سکتے ہیں کہ کتنے ٹاہم میں آپ کو برش بدل لینا چاہیے، اس کیلئے آپ اپنے برش کو غور سے دیکھیں اس کے بالوں کے درمیان ایک رنگین پٹی ہو گی، اگر اس کی رنگت ماند پڑنے لگے تو یہ برش بدلنے کی نشانی ہوتی ہے۔