سائنسدانوں نے بالوں کو سفید ہونے سے روکنے کا میکنزم دریافت کرلیا ہے۔

حال ہی میں کی گئی ایک تحقیق میں چوہوں کی جِلد میں موجود melanocyte نامی اسٹیم سیلز پر توجہ مرکوز کی گئی تھی جن کو انسانوں میں بھی دریافت کیا جا چکا ہے۔

 تحقیق کے نتائج کا اطلاق انسانوں پر بھی ہوتا ہے جس سے بالوں کی سفیدی کی روک تھام یا اسے ریورس کرنے کا ممکنہ دروازہ بھی کھل گیا ہے۔

 محققین کا کہنا ہے کہ اس نئے میکنزم کی دریافت سے یہ امکان سامنے آیا ہے کہ انسانوں میں بھی melanocyte اسٹیم سیلز بھی اسی جگہ موجود ہو سکتے ہیں۔

انہوں نے کہا کہ اگر ایسا ہے تو انسانی بالوں کو سفید ہونے سے روکنا یا اسے ریورس کرنا ممکن ہو سکتا ہے، بس ایک جگہ رک جانے والے خلیات کو حرکت کرنے میں مدد فراہم کرنا ہوگی۔