سائنسدانوں نے پتا لگالیا ہے کہ انسانوں کا قد کس طرح بڑھتا ہے۔

ایک حالیہ تحقیق کے مطابق بچوں کی ہڈیوں کے آخر میں موجود لچکدار ہڈیوں کے خلیات قد و قامت میں کردار ادا کرتی ہیں۔

تحقیق میں بتایا گیا کہ یہ خلیات بچوں کی بڑی ہڈیوں کے آخر میں موجود ٹشوز میں ہوتے ہیں اور وہی بچوں اور نوجوانوں کے مستقبل میں قد اور جسمانی ساخت کا تعین کرتے ہیں۔

تحقیق میں مزید بتایا گیا کہ جب کسی فرد کی جسمانی نشوونما مکمل ہو جاتی ہے تو یہ حصے ‘بند’ ہو جاتے ہیں اور ان کی جگہ سخت ہڈی لے لیتی ہے۔

محققین کا کہنا ہے کہ انسانی قد سے منسلک مخصوص جینز کی شناخت ایک چیلنجگ کام ہے کیونکہ قد ایک پیچیدہ عمل ہوتا ہے جس پر جینز اور ماحولیاتی عناصر دونوں اثر انداز ہوتے ہیں۔

انہوں نے کہا کہ تحقیق میں ان خلیات پر اس لیے توجہ مرکوز کی گئی کیونکہ وہ ہڈیوں کی نشوونما کے لیے مرکزی کردار ادا کرتے ہیں۔

محققین کا کہنا ہے کہ تحقیق کے نتائج سے عندیہ ملتا ہے کہ مخصوص جینز قد کے حوالے سے اہم کردار ادا کرتے ہیں۔

انہوں نے کہا کہ ایسے نئے جینز کی شناخت ہوئی ہے جو ہڈیوں کی نشوونما کے عمل کا حصہ ہوتے ہیں جس سے معلوم ہوتا ہے کہ لچکدار ہڈیاں انسانی قد کے لیے اہم ترین ہوتی ہیں۔