ایسے افراد جو کھانا بہت تیزی سے کھاتے ہیں اُن کے لئے بُری خبر آ گئی ہے۔

اگر آپ کھانا مکمل طور پر نہیں چباتے یعنی کچھ چبایا اور کچھ ایسے ہی نگل لیا تو اس عمل سے آپ کی صحت کو نقصان پہنچ سکتا ہے۔

تیزی سے کھانا

جب آپ تیزی سے کھانا کھاتے ہیں تو اس کا مطلب ہے کہ آپ کھانا درست انداز سے چبا نہیں رہے جس کا نتیجہ یہ نکلتا ہے کہ آپ کے اس عمل کی وجہ سے آپ کے جسم کو اس بات کے درست سگنل بھی نہیں ملتے کہ آپ کے جسم کو اب مزید کتنی خوراک کی ضرورت ہے اور اس سب کے سبب آپ اضافی کھانا کھا جاتے ہیں۔

زیادہ کھانے کے نتیجے میں ‘میٹابولک سنڈروم’ نامی حالت پیدا ہو سکتی ہے جس سے کینسر اور ذیابیطس یا دل کی بیماری جیسی دیگر بیماریوں کا خطرہ بڑھ جاتا ہے۔

ہاضمے کے مسائل

جب آپ کھانا نہیں چباتے تو آپ کا معدہ کھانے کے آنے والے ذرات سے نمٹنے کے قابل نہیں ہوتا جس کی وجہ سے معدے میں موجود بیکٹیریا بڑھ جاتے ہیں۔

یہ اپھارہ، گیس، بدہضمی یا قبض کا سبب بن سکتے ہیں۔

سینے اور معدے میں جلن

جب آپ اپنا کھانا چباتے ہیں تو آپ کا معدہ ہائیڈروکلورک ایسڈ بناتا ہے لیکن اگر آپ اپنا کھانا صرف جزوی طور پر چباتے ہیں تو آپ کا معدہ ناکافی ہائیڈروکلورک ایسڈ پیدا کرے گا کہ آپ جو کھانا کھاتے ہیں اسے توڑ سکے اور اس کے نتیجے میں سینے یا معدے کی جلن کی شکایت پیدا ہوسکتی ہے۔

غذائی اجزاء

اگر آپ اپنا کھانا نگلنے سے پہلے نہیں چباتے ہیں تو آپ کے کھانے میں موجود کاربوہائیڈریٹ، چکنائی اور پروٹین مکمل طور پر چھوٹے چھوٹے حصوں میں تبدیل نہیں ہوں گے اور آپ کی چھوٹی آنت غذا کو جذب نہیں کر سکے گی۔

بہترین حل

ان تمام شکایات سے محفوظ رہنے کا بہترین حل یہ ہے کہ آپ کھانے کے ہر نوالے کو 20 سے 30 بار چبانے کی عادت ڈالیں۔