ماہرین کا کہنا ہے کہ اگر دن کی شروعات ایک اچھی غذا سے کی جائے تو یہ جسمانی اور دماغی دونوں صحت کے لیے انتہائی مفید ہے۔

لوگ ناشتے میں مختلف غذاؤں کا استعمال کرتے ہیں کسی کو پراٹھے پسند ہوتے ہیں تو کوئی ڈبل روٹی کھانا پسند کرتا ہے۔

لیکن آج ہم آپ کو بتائیں گے کہ اصل میں صحت مند ناشتے میں کون کون سی غذائیں شامل ہوتی ہیں۔

اناج

اناج میں روٹی، ڈبل روٹی، دلیہ شامل ہیں جو فائبر سے بھرپور ہوتے ہیں اور ایک بہترین ناشتے میں شمار کیے جاتے ہیں۔

پروٹین

ناشتے میں پروٹین سے بھرا کھانا مل جائے تو آپ کا دن اچھا گزرے گا، ان کھانوں میں انڈا، دہی، پنیر اور ڈرائی فروٹس شامل ہیں، اس کے علاوہ  بیجوں میں پروٹین کی تعداد زیادہ ہوتی ہے، ان کے استعمال سے آپ کی صحت اچھی رہے گی۔

سبزی اور پھل

پھل اور سبزیوں میں بیماریوں سے لڑنے کے لیے اینٹی آکسیڈینٹس ہوتے ہیں جبکہ وٹامنز اور منرلز بھی کافی تعداد میں پائے جاتے ہیں۔

اپنے ناشتے میں بیریز، کیلا، ایواکاڈو، پالک اور ٹماٹر جیسے پھل اور سبزیوں کو شامل کیا جائے تو یہ آپ کے لیے بہترین ہے۔

ڈیری اشیاء

کم چکنائی والا دودھ، دہی اور پنیر کا استعمال بھی آپ کے جسم میں کیلشیم اور وٹامن ڈی کی کمی کو پورا کرتا ہے جو ہڈیوں کے لیے ضروری ہے۔