آج ہم آپکو بتائیں گے کہ اگر کوئی مچھلی کا کانٹا نگل جائے تو اسے کیسے نکالا جائے۔

مچھلی آخر کس کو پسند نہیں ہوتی ہے پر اسے کھاتے ہوئے بہت خیال اور احتیاط بھی کرنی پڑتی ہے کیونکہ مچھلی کے کانٹے اکثر و بیشتر گلے میں پھنس جاتے ہیں۔

ہم آپ کے لئے کچھ طریقے لائے ہیں جن کو استعمال کر کے آپ فوری طور پر اس تکلیف سے نجات حاصل کرسکتے ہیں۔

زور زور سے کھانسنا

جب کبھی آپ کے گلے میں مچھلی کا کانٹا پھنس جائے تو آپ زور زور سے کھانس لیں تاکہ ہوا کے دباؤ سے وہ کانٹا نکل جائے۔

روٹی یا ڈبل روٹی کا استعمال

اگر کھانسنے سے مسئلہ حل نہ ہو تو آپ سوکھی روٹی یا ڈبل روٹی کا استعمال کریں تاکہ کانٹا روٹی میں لپٹ کر پیٹ میں اتر جائے تاہم تکلیف کا احساس کچھ دیر تک ضرور رہے گا۔

مارش میلو کا استعمال

بڑے سائز کا مارش میلو لیں اور منہ میں ڈال کر تھوڑا چبائیں، اتنا پگھلنے اور چپکنے لگے تو نگل لیں۔ یہ چپکنے والی میٹھی سوغات اپنے ساتھ مچھلی کے کانٹے کو بھی معدے میں لے جاتی ہے۔

تاہم ان تمام طریقوں کے استعمال سے اگر کوئی افاقہ نہ ہو تو ضروری ہے کہ آپ ڈاکٹر  سے رابطہ کرلیں۔