آج ہم آپکو تربوز کھانے کا حیرت انگیز فائدہ بتائیں گے۔

ایک حالیہ تحقیق کے مطابق تربوز کھانے سے صحت کو ہونے والا فائدہ توقعات سے کہیں زیادہ ہوتا ہے۔

تحقیق میں بتایا گیا کہ تربوز کھانے سے جسم کے لیے اہم غذائی اجزا کے حصول میں مدد ملتی ہے جبکہ خوراک کا معیار بھی بہتر ہوتا ہے۔

اس تحقیق میں 2003 سے 2018 کے درمیان سروے رپورٹس سے جمع ہونے والے ڈیٹا کی جانچ پڑتال کی گئی۔

تحقیق میں دریافت کیا گیا کہ جو افراد تربوز کھانے کے عادی ہوتے ہیں، ان کے جسم کو غذائی فائبر، میگنیشم، پوٹاشیم، وٹامن سی اور وٹامن اے سمیت لائیکو پین جیسے اجزا وافر مقدار میں ملتے ہیں۔

یہ سب اجزا جسمانی صحت کے لیے بہت اہم ہوتے ہیں۔

ماہرین کے مطابق لائیکوپین سے امراض قلب یا دل کی بیماریوں سے قبل از وقت موت کا خطرہ کم ہوتا ہے۔

اسی طرح تربوز میں پانی کی مقدار بہت زیادہ ہوتی ہے جبکہ چکنائی نہیں ہوتی جس سے بلڈ پریشر، انسولین کی مزاحمت اور مسلز کی سوجن میں کمی آتی ہے۔

تربوز کھانے سے ہاضمہ کے افعال بہتر ہوتے ہیں جبکہ جسمانی ورم میں بھی کمی آتی ہے۔