ماہرین صحت نے روزانہ ڈسپرین کھانے والوں کیلئے خطرے کی گھنٹی بجادی ہے۔

  پاکستان میں سر کے درد میں ڈسپرین کا استعمال بہت زیادہ عام ہے لیکن ادویات کے فائدے کئی بار نقصان میں بھی بدل جاتے ہیں۔

اس حوالے سے ماہرین کا کہنا ہے کہ ڈسپرین کے استعمال سے صحت مند افراد میں خون کی کمی کے 20 فیصد اضافی کیسز دیکھنے میں آئے ہیں۔

  ماہرین کی جانب سے کیے جانے والے تجزیے میں آئرن کی کمی سے پیدا ہونے والی خون کی کمی کی علامات کا بھی اعادہ کیا گیا ہے جس میں تھکاوٹ، کمزوری، چکر آنا، جلد کا پیلا ہونا اور ہاتھ پاؤں ٹھنڈے ہونا شامل ہیں۔

آسٹریلیا، نیوزی لینڈ اور امریکا کے 15 محققین نے اپنے نتائج میں اس بات کا تعین کیا کہ کم خوراک والی اسپرین فیریٹین (آئرن) کی سطح کو کم کرتی ہے جو کہ خون بنانے کا کلیدی جز ہے۔

محققین  کا کہنا ہے کہ اسپرین خفیہ طور پر خون بہنے کے عمل سے خون کی کمی ہوتی ہے۔ ان کا یہ بھی کہنا تھا ہمارے علم کے مطابق یہ کم خوراک والی اسپرین کے استعمال کا خون کی کمی پر طویل مدتی اثرات کا جائزہ لینے اور اسکی روک تھام کا پہلا ٹرائل ہے۔