آج ہم آپکو اُن اشیاء کے بارے میں بتائیں گے جن کو کبھی بھی فریج میں نہیں رکھنا چاہیے۔

کچھ کھانے کی اشیاء کو فریج میں رکھنے سے وہ اپنی غذائیت کھو سکتی ہیں اور ذائقے میں بھی تبدیلی کا باعث بن سکتے ہیں۔

کیری

کچے آم کو کبھی بھی فریج میں نہیں رکھنا چاہیے کیونکہ ٹھنڈا ہونے سے اس کے پکنے کا عمل سست ہو جاتا ہے۔

یہ آم کو ساخت میں بھی سخت بناتا ہے۔ صرف پکے ہوئے آموں کو ہی ذخیرہ کیا جائے کیونکہ یہ انہیں میٹھا اور تازہ رکھنے میں مدد کرتا ہے۔

ڈبل روٹی وغیرہ

آپ نے دیکھا ہوگا کہ بیکری میں یا کسی بھی سپر اسٹور میں ڈبل روٹی، بن وغیرہ باہر شیلف میں ہی رکھے ہوتے ہیں کیونکہ فریج میں رکھنے سے وہ سخت اور خشک ہو جاتی ہے۔

تیل

فریج کے اندر تیل رکھنے سے اس کی ساخت اور یہاں تک کہ رنگ بھی بدل سکتا ہے۔

فریج میں تیل اسٹور کرنے سے یہ دھندلا نظر آتا ہے اور ذائقہ کو متاثر کرتا ہے۔

پکا ہوا چکن

پکے ہوئے چکن کو دو سے تین دن سے زیادہ فریج میں رکھنے سے یہ خراب ہو جاتا ہے۔

ریفریجریٹڈ اور پکا ہوا چکن کھانے سے فوڈ پوائزننگ اور ہاضمے کے کئی دیگر مسائل پیدا ہو سکتے ہیں۔

شہد

شہد کی شیلف لائف لمبی ہوتی ہے اور یہ کمرے کے عام درجہ حرارت پر باہر رہتے ہوئے خراب نہیں ہوتا۔

جبکہ ریفریجریٹر کے اندر شہد کو اسٹور کرنا اسے کرسٹلائز کرتا ہے اور اسے جار سے باہر نکالنا مشکل ہو جاتا ہے۔