دار چینی کے درخت سے حاصل ہونے والی چھال انتہائی صحت بخش اجزاء سے بھر پور ہوتی ہے یہی وجہ ہے کہ  اسے صدیوں سے گھروں میں بطور مصالحہ اور ذائقے کے لیے استعمال کیاجاتا رہا ہے۔

ماہرین صحت کا کہنا ہے کہ دار چینی پر جتنی تحقیق کی جاتی ہے اتنے ہی اس کے فائدے سامنے آتے ہیں یہاں اس منفرد خوشبو لیے دارچینی کے چند صحت کے فوائد کا جائزہ لیتے ہیں۔

کم بلڈ شوگر

ذیابیطس کے مرض میں دار چینی کا استعمال بلڈ شوگر کو کم کرنے میں مدد گار ثابت ہوسکتا ہے۔ تاہم سائنس دان اس حقیقت سے ناواقف ہیں کہ  بلڈ شوگر کو کم کرنے دار چینی کیسے کام کر تی ہے۔ اور یہ بھی واضح نہیں ہے کہ نتائج حاصل کرنے کے لیے اسے کتنے وقت تک استعمال کیا جائے۔

میٹابولزم 

دار چینی میں ایک خاص قسم کا تیل موجودہوتا ہے جو  چربی کے خلیوں کا بطور ایندھن استعمال مزید بڑھا دیتا ہے۔ لہذا وزن میں کمی کے خواشمند افراد اس سے فائدہ اٹھا سکتے ہیں ۔

خوبصورت جلد

دار چینی میں ایسے اجزاء موجود ہوتے ہیں جو جلد پر ایکنی کو کم کرنے میں معاون ثابت ہوتے ہیں کیونکہ اس میں مہاسوں کا سبب بننے والے بیکٹیریا سے لڑنے کی  زبردست صلاحیت موجود ہوجود ہوتی ہے ساتھ ہی یہ کولیجن کی پیداوار کو بھی بڑھا سکتی ہے، جس سے آپ کی جلد جواں دکھائی دینے لگتی ہے۔ اسے ماسک میں شامل کر کے چہرے پر استعمال کر سکتے ہیں۔

بلڈ پریشر

متعدد مطالعات سے یہ بات سامنے آئی ہے کہ دارچینی کا مسلسل 3 ماہ تک روزانہ استعمال بلڈ پریشر کو کم کرنے معاون ثابت ہوتا ہے۔

دماغی صحت

دار چینی الزائمر  کا سبب بننے والے دماغی پروٹین کی تعمیر کو کم کرنے میں بے حد مفید ثات ہوئی ہے  جبکہ ایک اور تحقیق میں دار چینی کو بہتر یاداشت کے لیے بھی مفید قرار دیا گیا ہے۔

کولیسٹرول 

دارچینی کا باقاعدہ استعمال جسم برے کولیسٹرول کی سطح کو  کم اور اچھے کولیسٹرول کی سطح کو بڑھانے میں مدد گار ثابت ہوتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/health/2023/08/321366/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/health/2023/08/321366/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں