دنیا کی ایک بڑی آبادی دن بھر میں جس مشروب کا سب سے زیادہ استعمال کرتی ہیں ان میں چائے بھی شامل ہے۔ چائے میں کیفین موجود ہوتا ہے اسی لیے یہ آپ کو کسی حد تک جگانے  اور ارتکاز کو بڑھانے کا کام کرتی ہے۔

 چائے کا ایک کپ ہواور اس کے ساتھ مزیدار اسنیکس ہوتو چائے کا لطف دوبالا ہوجاتا ہے۔ موسم کوئی بھی لوگوں کی بڑی تعداد شام کی چائے کے ساتھ دیگر لوازمات جیسے بسکٹس، کیک، سموسے اور چپس کھانا پسند کرتی ہیں۔

تاہم ماہرین کا کہنا ہے کہ چائے کا ساتھ ہر غذا نہیں کھائی جاسکتی ہے یہاں پر چند ایسی ہی چند غذاؤں کا ذکر کیا جارہا ہے جسے چائے کے ساتھ نقصان کا باعث بن سکتا ہے۔

گری دار میوے

 ماہر غذائیت کا کہنا ہے کہ چائے کے ساتھ گری دار میووں کے استعمال سے مکمل پرہیز کرنا چاہیے۔ اس کی وجہ یہ ہے کہ چائے میں ٹینن ہوتا ہے، جو یو ایس ڈی اے فاریسٹ سروس کے مطابق، ایک پیچیدہ کیمیائی مادہ ہے جو فینولک ایسڈ سے حاصل ہوتا ہے۔ اسی طرح گری دار میوے میں آئرن ہوتا ہے اگر آپ چائے کے ٹینن کے ساتھ گری دار میوے کھاتے ہیں، تو اس طرح یہ آئرن کے جذب ہونے میں خلل کا سبب بن سکتا ہے۔

سبز پتوں والی سبزیاں

چائے کے ساتھ سب ہی چٹ پٹے پالک کے پکوڑے کھانا پسند کرتے ہیں لیکن کیا اسے چائے کے ساتھ کھانا صحت کے لیے مفید ہے۔ماہرین کا کہنا ہے کہ  چائے کے ساتھ سبز پتوں والی سبزیوں کو کھانے سے گریز کریں، کیونکہ اس میں ٹینن ہوتا ہے اور پتوں والی سبزیاں آئرن سے بھرپوتی ہیں۔

ہلدی

 ہلدی کسی بھی باورچی خانے کا ایک لازمی جزو ہوتی ہے۔ دوپہر کے کھانے میں دال ہو یا رات کے کھانے میں سالن، ہلدی کے بغیر کسی بھی دیسی ڈش کی تیاری کا تصور ناممکن ہے۔ لیکن ماہرین اسے چائے کے ساتھ  استعمال کرنے سے منع کرتے ہیں کیونکہ یہ امتزاج آپ کے ہاضمے کو بہت زیادہ متاثر کر سکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/health/2023/08/389309/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/health/2023/08/389309/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں