آج ہم آپکو بتائیں گے کہ جوانی یا درمیانی عمر میں لوگوں کے بال سفید کیوں ہو جاتے ہیں۔

ایک حالیہ تحقیق کے مطابق بالوں کے سفید ہونے کا عمل پیدائشی مدافعتی نظام کے متحرک ہونے کا نتیجہ ہو سکتا ہے۔

مدافعتی نظام کے بہت زیادہ متحرک ہونے سے بالوں کی رنگت برقرار رکھنے والے خلیات میلانوسائٹس پر منفی اثرات مرتب ہوتے ہیں۔

یعنی کسی وائرل انفیکشن سے متاثر ہونے اور بالوں کی سفیدی کے درمیان تعلق موجود ہے۔

چوہوں پر کیے جانے والے تجربات کے دوران دریافت کیا گیا کہ جب وائرس مدافعتی نظام پر حملہ کرتا ہے تو متاثرہ خلیات کی جانب سے ردعمل کے طور پر انٹرفیرون تیار کیے جاتے ہیں، جو قریبی خلیات کو سگنل بھیجتے ہیں تاکہ وہ اپنا تحفظ کر سکیں۔

تحقیق کے مطابق اگرچہ یہ سگنلز صحت کے لیے فائدہ مند ہوتے ہیں مگر ان کی تعداد زیادہ ہونے سے میلانوسائٹس خلیات کی تعداد کم ہونے لگتی ہے اور بالوں کی رنگت بننے کا عمل تھم جاتا ہے۔

محققین نے بتایا کہ چوہوں پر ہونے والی اس تحقیق کے نتائج کا اطلاق انسانوں پر ہو سکتا ہے یا نہیں، یہ کہنا تو مشکل ہے مگر اس سے ممکنہ وضاحت ہوتی ہے کہ کچھ افراد کے بال جوانی میں ہی کیوں سفید ہو جاتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/health/2023/08/710692/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/health/2023/08/710692/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں