آج ہم آپکو بتائیں گے کہ موٹاپے کا شکار بچے کس جان لیوا بیماری میں مبتلا ہوسکتے ہیں۔

ایک حالیہ تحقیق کے مطابق وہ بچے جن کا باڈی ماس انڈیکس زیادہ ہوتا ہے ان کے مستقبل میں ڈپریشن لاحق ہونے کے زیادہ خطرات ہوتے ہیں۔

اس تحقیق کے لئے محققیق نے 10 ہزار سے زائد جڑواں بچوں کے ڈیٹا کا جائزہ لیا۔

تحقیق میں یہ بات سامنے آئی کہ 12 سال سے 16 سال کی عمر کے درمیان بچوں کے وزن کا زیادہ ہونا ان کے مزاج پر اداسی اور بیزاری سمیت دیگر علامات جیسے اثرات مرتب کر سکتا ہے۔

ماہرین کا کہنا ہے کہ جسم کے حوالے بے اطمینانی اور وزن سے متعلقہ معاملات بچوں میں اس صورتحال کی مرکزی وجوہات ہیں اور یہ عمر متاثرہ بچوں کی مدد کرنے کے لیے اہم ہوتی ہے۔

محققین کو معلوم ہوا کہ 12 سے 16 برس کے درمیان وہ بچے جن کا بی ایم آئی زیادہ تھا ان کے 16 سے 21 برس کے درمیان بچوں کی نسبت ڈپریشن میں مبتلا ہونے کے خطرات زیادہ تھے۔

تحقیق کی سربراہ مصنفہ ڈاکٹر ایلن تھامپسن نے بتایا کہ نوجوانی میں وزن اور ذہنی صحت کے خراب ہونے کے درمیان تعلق کی سمجھ متاثرہ فرد کو بروقت مدد کی فراہمی کے لیے ضروری ہے۔

ان کا کہنا تھا کہ تحقیق 12 سال کی عمر میں زیادہ بی ایم آئی اور 16 سال کی عمر میں ڈپریشن کی علامات کے درمیان واضح تعلق ظاہر کرتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/health/2023/09/602446/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/health/2023/09/602446/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں