شہد ایک مکمل صحت بخش غذا اور بہترین دوا ہے یہ حضرت انسان کے لئے قدرت کی جانب سے بیش بہا نعمت ہے جس کا کوئی نعم البدل نہیں ہے۔ یہی وجہ ہے کہ اسے تمام غذاؤں میں ممتاز درجہ حاصل ہے۔

شہد کے بیش بہا فوائد اسی وقت حاصل کیے جاسکتے ہیں جب یہ خالص ہو، یہی وجہ ہے کہ اصلی شہد خریدنا ایک مشکل مرحلہ ہے کیونکہ بازار میں عام دستیاب شہد یا تو ملاوٹ زدہ ہیں یا شہد کے نام پر چینی کا شیرا ہے۔

تو آج ہم آپکو اصلی اور نقلی شہد کے درمیان فرق کرنے کا انتہائی آسان طریقہ بتائیں گے۔

شہد کا ایک قطرہ اپنے انگوٹھے کے ناخن پر ٹپکائیں، اگر وہ فوراً پھیل جائے تو اسکا مطلب ہے کہ وہ نقلی ہے، کیونکہ اصلی شہد باآسانی پھیلتا نہیں ہے۔

اس کے علاوہ ایک گلاس پانی میں ایک چمچ شہد ڈالیں، نقلی فوراً گُھل جائے گا جبکہ اصلی نیچے بیٹھ جائے گا۔

ایک ٹشو پیپر کو رول کریں اور اس پر شہد لگا کر ماچس سے جلائیں، اصلی جل جائے گا نقلی نہیں جلے گا۔

اصلی شہد کی پہچان یہ ہے کہ اگر آپ اسکی بوتل کو الٹا کریں گے تو اس میں موجود شہد آہستہ آہستہ اوپر کی جانب آئے گا، تیزی سے نہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/health/2023/10/978916/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/health/2023/10/978916/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں