خواتین کے جسم میں مختلف ہارمون موجود ہوتے ہیں جو جسم کے تقریباتمام ہی افعال کی انجام دہی میں اہم کردار ادا کرتے ہیں جن میں ایسٹروجن بھی شامل ہے۔

زندگی کے مختلف ادوار میں قدرتی طور پر ہارمونز میں اتار چڑھاؤ آتا ہے خاص طور پر بلوغت، حمل کے دوران یا طرزِ زندگی میں تبدیلی کی وجہ سے بھی یہ متاثر ہوتے ہیں۔ ہارمون کے عدم توازن کے نتیجے میں چند علامات سامنے آتی ہیں لیکن اکثر خواتین انہیں جان نہیں پاتی کہ یہ علامات کس وجہ سے ہے یہاں پر ان ہی کے بارے میں بتایا جارہا ہے تاکہ آپ کسی بھی ممکنہ مسائل سے محفوظ رہ سکیں۔

ذہنی صحت

خواتین میں جنسی ہارمون ایسٹروجن کا اثر دماغ میں نیورو ٹرانسمیٹر پر ہوتا ہے، جس میں سیرٹونن جسے مزاج کا ہارمون کہا جاتا ہے حیض سے پہلے ہمارے مزاج میں تبدیلی ہوتی ہے یہ ہارمونز کے عدم توازن کی وجہ سے ہوتا ہے۔

نیند میں خلل

جب ایسڑوجن اور پروجسڑون کی پیداوار کم ہوتی ہے تو یہ نیند میں خلل کا باعث بنتی ہیں اس کے علاوہ توانائی کی کمی بھی نیند کے معیار کو متاثر کرتی ہے۔ جب ہارمونز میں عدم توازن پیدا پوتا ہے تو نیند میں بھی فرق آتا ہے۔

ایسی صورت میں معالج سے رابطہ کرکے ایسڑوجن اور پروجسڑون کی مقدار کو بحال کرسکتے ہیں۔ اس کے علاوہ بہتر نیند کے لئے کیفین کی کم مقدار لینی چاہیئے۔

وزن میں اضافہ

ہارمونز کے عدم توازن کی وجہ سے وزن میں بھی اضافہ ہوتا ہے تاہم غذا میں تبدیلی کرکے اپنے وزن پر کنٹرول کیا جاسکتا ہے۔ہارمونز کی وجہ سے اچانک وزن بڑھ سکتا ہے۔

ایکنی

ایسڑوجن اور پروجسڑوجن کی کم پیدا وار کی وجہ سے جلد پر کیل مہاسے اور دانے بنتے ہیں۔ جس کی وجہ سے جلد کے مسائل کا سامنا کرنا پڑتا ہے۔ یہ بھی ہارمونز کے عدم توازن کی وجہ سے ہوتا ہے۔

بانجھ پن

ہارمونل عدم توازن کی وجہ سے خواتین میں بانجھ پن ایک اہم وجہ ہے، جبکہ دوسری صورت میں بانجھ پن کی وجہ سے بھی ہارمون توازن میں نہیں رہتے۔