ماہرین نے زیادہ دیر تک بیٹھنے کو سگریٹ کی طرح مضر قرار دیا ہے تاہم دنیا کی ایک بڑی آبادی مختلف دفاتر میں  آٹھ گھنٹے کی ڈیوٹی انجام دیتی ہیں لیکن اکثر یہ کام رات تک جاری رہتا ہے۔ ایک ہی سیٹ پر بیٹھنا اورآٹھ گھنٹوں سے زیادہ اسکرین کو دیکھنا صحت پر برے اثرات ڈالتا ہے اور انسان بیماریوں میں مبتلا ہو نے لگتا ہے۔

دن بھر بیٹھنے سے جن امراض کا خطرہ بڑھتا ہے ان میں موٹاپا سر فہرست ہے اور اسی سے جڑی ہیں کئی بیماریاں۔ اسی لیے یہاں پر دفاتر میں کام کرنے والے افراد کے لیے چند اہم ہدایات دی جارہی ہیں جن پر عمل کے آپ صحت مند رہ سکتے ہیں۔

ناشتہ ضرور کریں

یہ دن کا نہ صرف اچھا آغاز ہو گا بلکہ آپ کو بے وقت کی بھوک سے بھی بچائے گا۔ جو مٹاپے کا سبب بنتی ہے۔ ناشتہ مکمل اور بھر پور کریں جس میں موسم کاکوئی ایک پھل بھی شامل ہو ۔

پانی کا زیادہ استعمال

صحت مند رہنا ہے توپانی کا استعمال زیادہ کریں کیونکہ مستقل اسکرین  کے  سامنے بیٹھنے سے اس کی ہیٹ بھی آپ کو متاثر کرتی ہے۔ پانی آپ کو نہ صر ف ہائیڈریٹ رکھے گا بلکہ کئی بیماریوں سے بھی بچائے گا۔

ہر گھنٹے  کے بعد آنکھوں کو آرام دیں

اسکرین سے نظر ہٹاکر دوسری جانب دیکھیں اور آنکھوں کی ورزش کریں۔

گھر سے کھانا ساتھ لائیں

کوشش کریں بازار کا کھانا نہ کھائیں سبزیاں اور پھل کا استعمال زیادہ کریں بہ نسبت جنگ فوڈ کے۔

دن کے درمیان ہلکی ورزش

مستقل بیٹھنے سے جسم کے تمام اعضاء کے ساتھ ریڑھ کی ہڈی بھی متاثر ہو نے لگتی ہے اس کے لئے آدھا آفس ٹائم گزرنے کے بعد ہلکی پھلکی ورزش کریں تاکہ جسم توازن میں رہے۔

دھوپ اور تازہ ہوا 

مستقل اے سی میں بیٹھنا اچھا نہیں دھوپ اور تازہ ہو ا ضرور لیں ۔ ورنہ بیمار ہو جائیں گے۔