یہ بات سب ہی جانتے ہیں نمک کا زائد استعمال صحت کے لیے مضر ہوتا ہے اور بہت سارے سائنسی اور طبی مطالعات سے یہ بات سامنے آئی ہے کہ نمک کے زائد استعمال سے بلڈ پریشرتو بڑھتا ہی ہے اس کے علاوہ امراض قلب، فالج اورشریانوں کے پھٹ جانے کے خطرات بھی بڑھ جاتے ہیں۔

تاہم اب ایک تحقیق کے مطابق ہر کھانے میں اوپر سے نمک ڈالنا اور یا کھانے میں ضرورت سے زیادہ نمک ملانا گردوں کے لیے خطرناک ہوسکتا ہے اور اس طرح گردوں کے متاثر ہونے کا خطرہ  ان لوگوں کے مقابلے میں 29 فیصد بڑھ جاتا ہے جو کھانے میں اوپر سے نمک نہیں ملاتے یا کم استعمال کرتے ہیں۔

اگلی بارجب بھی آپ کھانا کھائیں تو اس میں زائد نمک ڈالنے یا اوپر سے نمک چھڑکنے سے گریزکریں۔  اس کی وجہ یہ ہے کہ اگر یہ عادت درینہ عرصے تک جاری رہتی ہے تو اس سے گردوں کے افعال شدید متاثر ہوتے ہیں اور بعض صورتوں میں گردوں کے مکمل فیل ہونے کی وجہ بھی بن سکتے ہیں۔

جنرل آف امریکن ایسوسیئشن جاما کی تازہ اشاعت کے اندر ایک تحقیقی مقالہ اور رپورٹ شائع ہوئی ہے جس کے اندر کہا گیا ہے کہ نمک کا زائد استعمال کس طرح گردوں کےلیے خطرناک ثابت ہوسکتا ہے۔

یہ تحقیق ڈاکٹر لیو چائی نے کی ہے جو ٹیولین یونیورسٹی کے اندروبائی امراض کے ماہر ہیں اورانہوں نے خبردارکرتے ہوئے کہا ہے کہ انہوں نے وہ پورامکینزم دریافت کر لیا ہےجس کے تحت نمک کا زائد استعمال گردوں کے لیے متاثر کن بلکہ خطرناک ہوتا ہے۔

ڈاکٹرلوئی اور ان کے ساتھیوں نے اس تحقیق میں برطانیہ میں قائم بہت بڑی آبادی کا طبی ڈیٹا بیس یعنی کہ برٹن بائیو بینک کا جائزہ لیااورانہوں نے کئی سال تک اس کا مطالعہ کیا، جس کے اندر بلخصوص ان فراد کو ایک طویل عرصے تک جانچا اور پرکھاگیا جو معمول سے زیادہ نمک کھانے کے عادی تھے۔

اگرچہ اس مطالعے میں اسی فیصد سفید فارم تھے لیکن ڈاکٹروں کا کہنا ہے کہ اس سے کوئی فرق نہیں پڑتا کیونکہ نمک یکساں طور پر ہر رنگ نسل، آبادی، ذات اور علاقے کو متاثرکرتا ہے۔

سائنسدانوں کی ٹیم نے 2006 سے 2010 تک بہت ساری خواتین اور مردحضرات کوشامل کرکے ان کا جائزہ لیا گیا یہ مطالعہ کل بارہ سال تک جاری رہا۔

اس تحقیق میں شامل شرکاء سے جب پوچھا گیا کہ اگر ان کا کھانا میز پر رکھا جائے تو وہ کب کب اس میں نمک کا استعمال کرت ہیں۔ تو بعض لوگوں نے کہا کہ وہ کبھی بھی نمک نہیں ملاتے، کچھ لوگوں نے کہا کبھی کبھارجبکہ بہت سے لوگوں نے کہا وہ ہر کھانے میں اوپر سے نمک ڈال کر کھاتے ہیں اسی بنیاد پر ان کا مطالعہ جاری رہا۔  تو معلوم ہوا کہ جو افراد ہر کھانے میں نمک کی کچھ نہ کچھ مقدار ڈالتے ہیں ان کے اندر گردوں سے متاثر ہونے کا خطرہ 29 فیصد تک بڑھ سکتا ہے اگرچہ یہ ایک شماریاتی ماڈل ہے لیکن 29 فیصد کی اس حد کو کسی بھی صورت میں نظر انداز نہیں کیا جاسکتا اور اس کا مطلب یہ ہے کہ نمک کھانے سے گردوں پرکچھ نہ کچھ منفی اثر ضرورہوتا ہے۔

اسی بنیاد پر ماہرین نے خبردار کیا ہے کہ آپ اپنے کھانے میں نمک کی مقدار کو ہر حالت میں کنٹرول کریں اور اورپر سے نمک ڈالنے یا چھڑکنے سے گریز کریں۔