دنیا بھر میں پودوں اور فصلوں کو حشرات سے بچانے کے لیے مختلف کیڑے مار ادویات کا اسپرے کیا جاتا ہے تاکہ ان کی نشوونما بہتر ہوسکے اور فصل مکمل تیار ہوکر لوگوں کی غذائی ضروریات کو پورا کر سکے۔ تاہم کیڑے مار ادویات میں موجود کیمیکلز انسانوں میں براہ راست غذا کے ذریعے منتقل ہو رہے ہیں۔

حال ہی میں انوائرمنٹل ورکنگ گروپ نے ایک مختصر تحقیق کی جس 96 شرکاء کے پیشاب کے نمونے لے کر ٹیسٹ کیے گیے جس میں 77 شرکاء میں کلورمیکواٹ کیمیکل کی موجود کا انکشاف ہوا جو کہ ایک تشویش ناک بات ہے۔

واضح رہے کہ یہ کیمیکل حشرات کش ادویات میں موجود ہوتا ہے اور جانوروں کے لیے انتہائی نقصان دہ ہے تاہم  انسانی صحت پر اس کے کیا اثرات مرتب ہوتے ہیں اس پر ابھی مزید تحقیق کی ضرورت ہے۔

جانوروں کے کچھ مطالعات سے پتہ چلتا ہے کہ کلورمیکواٹ تولیدی نظام کو نقصان پہنچا سکتا ہے اور جنین کی نشوونما میں خلل ڈال سکتا ہے، سر اور ہڈیوں کی نشوونما کو بدل سکتا ہے اور اہم میٹابولک عمل کو تبدیل کر سکتا ہےممکن ہے کہ یہ انسانوں کے لیے بھی یہ اسی طرح کے نقصان کا باعث ہو۔

یہ نیا مطالعہ امریکہ میں اپنی نوعیت کا پہلا مطالعہ ہے، اس تحقیق کے اہم مصنف الیکسس ٹیمکن، پی ایچ ڈی جو کہ زہریلے کیمیکلز کے اثرات کے ماہر ہیں کا کہنا ہے کہ اس مختصر سے تحقیق نے کیڑے مار دوا کے حوالے ہر جگہ خطرے کی گھنٹی بجادی ہے اور یہ کس طرح انسانوں کے لیے نقصان کا باعث بن سکتا ہے یہ جانے بغیر ان کے جسم میں یہ کیمیکل موجود ہے۔

ماحولیاتی تحفظ ایجنسی کے ضوابط کے مطابق اس کیمیکل کو صرف سجاوٹی پودوں پر استعمال کرنے کی اجازت ہے غذائی فصلوں پر نہیں۔ تاہم اب کا استعمال غذائی فصلوں پر بھی کیا جاتا ہے۔

اس تحقیق اور اس کے نتائج کو دیکھنے کے بعد امریکی محکمہ زراعت اور فوڈ اینڈ ڈرگ ایڈمنسٹریشن نے تمام کھانے کی اشیاء کی جانچ  کر رہی ہے تاکہ بیماریوں کے کنٹرول اور روک تھام کے مراکز اپنے بائیو مانیٹرنگ پروگرام میں کلورمیکواٹ کو شامل کریں اور یہ تنظیم انسانی صحت پر کلورمیکواٹ کے اثرات پر مزید تحقیق کرے تاکہ مستقبل میں ان کیمیکلز کے نقصان دہ اثرات سے انسانی صحت کو بچا یا جاسکے۔