خواتین کی بڑی تعداد اکثر یہ شکایت کرتی دکھائی دیتی ہیں کہ جب بھی انہیں کھانسی آتی ہے یا وہ چھیکنے لگتی ہے تو پیشاب خارج ہوجاتی ہے جس کی وجہ سے انہیں کافی شرمندگی کا سامنا کرنا پڑتا ہے۔

عام طور پر 45 برس سے زائد عمر کی خواتین میں  سے ہر 3 میں سے 1 خاتون اس کیفیت کا سامنا کرتی ہے  اور ان خواتین میں چھینکتے، ہنستے، کھانستے یا ورزش کرتے وقت حادثاتی طور پر پیشاب کا خارج ہوجانا شرمندگی کے ساتھ ساتھ غیر آرام دہ محسوس ہونے اور پریشانی کا باعث بھی بنتا ہے۔ اس طرح سے پیشاب کے خارج ہونے کو اسٹریس یورینری انکونٹینینس کہا جاتا ہے۔

اس کے بارے میں کب پریشان ہونا ہے اور کب معالج سے رابطہ کرنا اس کے بارے میں یہاں پر بتایا جارہا ہے۔

بےلر کالج میں میڈیسن کی اسسٹنٹ پروفیسر آف پرسوتی اور گائناکالوجی کی ڈاکٹر میری ڈوارٹے تھیبالٹ کا کہنا ہے کہ  اگرچہ یہ بہت سی خواتین میں بچے کی پیدائش کے بعد یا عمر بڑھنے کے ساتھ یہ کیفیت جنم لینے لگتی ہے تاہم یہ نارمل نہیں ہے۔

اسٹریس یورینری انکونٹینینس کی اصل وجہ کیا ہے؟

یہ اخراج  پیشاب کی اس نالی کے ناکارہ ہونے کی وجہ سے ہوتا ہے جو مثانے سے جڑتی ہے اور پیشاب کو جسم سے باہر لے جاتی ہے۔ جب مثانے اور پیشاب کی نالی پر دباؤ بڑھتا ہے یا یہ مکمل یا جزوی بند ہوتی ہے یا پیشاب کی نالی کے ارد گرد کے پٹھوں اور کنیکٹیو ٹشو کمزورہوجاتے ہیں تو ایسی صورت میں پیشاب خارج ہوجاتی ہے اور اس اخراج کی مقدار چند قطروں سے زیادہ ہو سکتی ہے۔

پیشاب کی نالی کے ارد گرد کے پٹھوں اور کنیکٹیو ٹشو کے کمزور ہونے کی کئی وجوہات ہیں، جس میں حمل، بچے کی پیدائش، موٹاپا، آنتوں کی حرکت کے لیے دائمی تناؤ، دائمی کھانسی اور مینوپاز کی صورت ہونے والی ہارمون کی تبدیلیاں جس میں عمر سے متعلق پٹھوں کی تعداد میں کمی واقع ہوتی ہے شامل ہیں۔

معالج سے کب رابطہ کیا جائے؟

جب بار بار پیشاب آنے لگے، اور پیشاب کو روکا نہ جا سکے اور یہ آپ کے روزمرہ زندگی کے معمولات متاثر کرنے لگے، تو معالج ضرور رابطہ کریں۔

طرز زندگی میں کون سی تبدیلیاں مدد کر سکتی ہیں؟

طرز زندگی میں یہ معمولی تبدیلیاں اس کیفیت سے نجات دلانے میں کار آمد ثابت ہوسکتی ہیں۔

صحت مند وزن کو برقرار رکھیں

یہ بات درست ہے کہ موٹاپا پیشاب کی بے ضابطگی کے لیے ایک محرک ہے۔ اس لیے خواتین وزن کو کم کر کے اس کیفیت سے نجات حاصل کر سکتی ہیں۔

قبض اور صحت کے دیگر حالات کا خیال رکھیں

آنتوں کی حرکت کے دوران دائمی تناؤ پیلوک فلور مسلز  پر وقت کے ساتھ دباؤ ڈالتا ہے، اس لیے قبض نہ ہونے دیں، اسی طرح دائمی کھانسی جیسے دمہ اور برونکائٹس کا علاج کروائیں اور ہر طرح کے نشے سے دور رہیں یہ تناؤ کی بے ضابطگی کو بہتر بنانے میں مدد کر سکتی ہیں۔

پیلوک فلور مسلز  کو مضبوط بنائیں

جسمانی معالج کی رہنمائی میں ایسی مشقیں کریں جو پیلوک فلور مسلز  کو مضبوط بنائیں تاکہ پیشاب خارج ہونے کی اس کیفیت کو دور کیا جاسکے۔