سیگریٹ نوشی کرنے والوں کے لئے تشویشناک خبر آ گئی ہے۔

ایک حالیہ تحقیق کے مطابق سیگریٹ نوشی سے پیٹ پر چربی چڑھنے کا امکان بڑھ جاتا ہے۔

جی ہاں، تحقیق میں بتایا گیا کہ ایسی قسم کی چربی جس کا تعلق قلبی مرض، ذیا بیطس، فالج اور ڈیمینشیا کے بلند خطرات سے ہوتا ہے۔

محققین نے تحقیق میں دیکھا کہ آیا وہ افراد جو سیگریٹ نوشی کرتے ہیں ان کے جسم کی چکنائی کی تقسیم تمباکو نوشی نہ کرنے والوں کے مقابلوں میں مختلف ہوتی ہے یا نہیں۔

تجزیے میں سیگریٹ نوشی کا پیٹ میں موجود چربی میں اضافے سے تعلق کا انکشاف ہوا۔

محققین نے بتایا کہ چکنائی کی یہ قسم وسرل چکنائی ہوتی ہے جو پیٹ میں موجود اعضاء کے گرد جم جاتی ہے۔ چربی کی اس قسم کو دیکھنا مشکل ہوتا ہے۔

انہوں نے کہا کہ یہ چکنائی کسی شخص کا پیٹ سپاٹ ہونے کے باوجود غیر صحت بخش مقدار میں موجود ہوسکتی ہے اور سنجیدہ نوعیت کی بیماریوں کے خطرات بڑھا سکتی ہے۔

ان کا کہنا تھا کہ سیگریٹ نوشی پیٹ کی چربی پر سماجی معاشی اسٹیٹس، شراب نوشی یا اے ڈی ایچ ڈی جیسے دیگر عوامل سے ہٹ کر تعلق رکھتی ہے۔