آج ہم آپکو بتائیں گے کہ دنیا بھر میں موٹاپے کے شکار افراد کی تعداد کتنی ہے۔

ایک حالیہ تحقیق کے مطابق دنیا بھر میں موٹاپے میں مبتلا افراد کی تعداد ایک ارب سے تجاوز کر گئی ہے۔

جی ہاں، تحقیق میں بتایا گیا کہ 2022 کے اعداد و شمار کے مطابق 15 کروڑ 90 لاکھ بچے اور نوجوان جبکہ 87 کروڑ 90 لاکھ بڑی عمر کے افراد موٹاپے کے مسئلے سے دوچار ہیں۔

عالمی سطح پر 1990 سے 2022 تک بچوں اور بڑوں میں موٹاپے کی شرح میں چار گنا اضافہ ہوا جبکہ صرف بڑوں میں یہ اضافہ دُگنا تھا۔

تحقیق کے مطابق عالمی سطح پر بڑوں اور بچوں میں کم وزن ہونے کی شرح میں نصف سے زیادہ کمی واقع ہوئی۔

محققین نے بتایا کہ سامنے آنے والے نتائج موٹاپے کو متعدد ممالک میں ناقص غذا کی سب سے عام قسم بتاتے ہیں۔

انہوں نے کہا کہ یہ بات کافی تشویشناک ہے کہ 1990 کی دنیا میں جو وباء صرف بڑوں تک محدود تھی اب اس سے اسکول جاتے بچے اور نوجوان بھی متاثر ہیں۔

ان کا کہنا تھا کہ اس ہی وقت میں ہزاروں لاکھوں افراد غذائی قلت کا شکار ہیں بالخصوص دنیا کے غریب ترین علاقوں میں۔ دونوں اقسام کی غذائی مسائل سے کامیابی سے نمٹنے کے لیے صحت مند غذا کی دستیابی اور اس کے سستا کیے جانے کے لیے اقدامات ضروری ہیں۔