یہ عجیب و غریب خبر ویت نام سے آئی ہے جہاں ڈاکٹروں نے ایک شخص کے پیٹ سے مچھلی نما سمندری جانور ‘ایل’ کو زندہ برآمد کیا ہے۔

20 مارچ کو آنتوں کے درد کے شکار 34 سالہ شخص کو ہائی ہا کے ضلعی ہسپتال لایا گیا۔ درد کی شدت سے وہ اپنی کیفیات بتانے سے بھی قاصر تھا۔ ایکسرے سے معلوم ہوا کہ معدے میں کوئی جانور ہے۔ اس کے بعد فوری طور پر سرجری کی گئی۔ ڈاکٹر یہ دیکھ کر حیران رہ گئے کہ اس کے جسم سے 30 سینٹی میٹر طویل ایل برآمد ہوئی۔

لیکن دوسری حیرت انگیز بات یہ ہے کہ ایل منہ کی بجائے اس کے مقعد سے سلپ ہوتی ہوئی بڑی آنت تک پہنچی ہے اور آخر دم تک زندہ تھی۔ تاہم مریض کے متعلق مزید تفصیلات حاصل نہیں ہوسکی ہیں۔