حسین نظر آنا ہر ایک کا فطری حق ہے۔ خوبصورتی محض گوری رنگت کا نام نہیں ہے بلکہ بے داغ اور صحت مند جلد ہی اصل میں حسن کی تعریف ہے۔

تمام ہی خواتین اپنی جلد کی حفاظت کے لیے مختلف طریقے اپناتی ہیں جو ان کی قدرتی خوبصورتی کو بڑھا نے معاون ثابت ہوتی ہے تاہم کچھ عادات ایسی ہیں جنہیں روازنہ اپنایا جائے تو یہ آپ کی خوبصورتی کے ساتھ آپ شخصت کو متاثر کن بناتی ہیں یہاں ایسے ہی چند عادات کے بارے میں بتایا جارہا ہے۔

 ہائیڈریشن

پانی جلد کی خوبصورتی بڑھانے میں بنیادی کردار ادا کرتا ہے ایک طرف تو یہ جلد کو ہائیڈریٹ رکھتا ہے تو دوسری جانب جسم سے زہریلے مادوں کو خارج کرتا ہے اس طرح جلد جواں نظر آتی ہے۔

صفائی

چاہیں آپ کتنے ہی مصروف کیوں نہ ہو سونے سے قبل جلد کو صاف کرنا نہ بھولیں، میک اپ کے ساتھ سونے سے گریز کریں، جلد رات میں اپنی مرمت کرتی ہے اور یہ عمل اسے جوان بناتا ہے، جبکہ میک اپ کے ساتھ سونا اس اہم عمل میں خل کا باعث بنتا ہے، اس طرح جلد پر ایکنی اور قبل از وقت جھریاں نمودار ہونے لگتی ہیں۔ کوشش کریں کیمیکل سے صاف کلینزر سے چہرہ صاف کریں۔

موئسچرائزنگ

یہ جلد پر پانی کی طرح کام کرتا ہے اور اس کی قدررتی نمی کو برقرار رکھنے میں مدد کرتا ہے۔جلد کی قسم کوئی بھی ہو یہ جلد کو بہت زیادہ چکنا ہونے اور بہت زیادہ خشک ہونے سے محفوظ رکھتا ہے۔

موئسچرائزنگ کے لیے ایسی مصنوعات کا استعمال کریں جس میں ہائیلورونک ایسڈ یا گلیسرین موجود ہو۔یہ دونوں ہائیڈریٹنگ خصوصیات کے لیے مشہور ہیں۔

سورج کی مضرشعاعیں

سورج کی یو وی شعاعیں جلد کو ناقابل تلافی نقصان پہنچاتی ہیں، عمر رسیدگی کے عمل کو تیز کرتی ہیں۔ گھر سے باہر نکلتے وقت ہمیشہ سن اسکرین کا استعمال کریں یہ آپ کی جلد کو ان نقصان دہ اثرات سے تحفظ فراہم کرتی ہے۔

متوازن غذا

جسم کی صحت کی بات ہو یا جلد کی خوبصورتی کی غذا بنیادی کردار ادا کرتی ہے اسی لیے کہا جاتا ہے جیسا آپ کھاتے ہیں ویسا ہی نظر آتے ہیں۔ اینٹی آکسیڈنٹس، وٹامن سی اور ای، اور اومیگا 3 فیٹی ایسڈز سے بھرپور غذائیں اندر سے صحت مند رنگت کو فروغ دے سکتی ہیں۔ ان چھوٹی اور معمولی سی عادات پر مسلسل عمل آپ کی جلد کو حیران کن حد تک خوبصورت بنا دیگا۔